ကာရေဘီယံညများ

တဖိတ်ဖိတ်တောက် နဂါးငွေ့တန်းအောက်
အချစ်ပျောက်ရှာတော့
လှိုင်းရေတွေအောက်...
ကြယ်တွေလား အလင်းမှုန်တွေလား အတွေးစတွေလား မသဲကွဲ...

လေပြည်တွေလား ရေလှိုင်းတွေလား နူးညံ့တဲ့လက်တစ်စုံလား
အနားနား တိုးဝေ့လာမှုမှာ
နွေးထွေးစွာ မရေမရာ..

ကာရေဘီယံရဲ့ ညတွေဟာ...
ကိုယ့်အထင်တော့
တိတ်ဆိတ်ငြိမ်သက်စွာ တစိမ်းဆန်စွာ.
ခံစားမှုတွေကို  မွန်းကြပ်သိပ်သည်းစေတယ်...

ဝေးကွာလွန်းခဲ့တယ်...
ကာရေဘီယံရဲ့ ညတွေအလယ်...

ဧဒင်ဗရာရဲ့နွေ

အချိန်တန်လို့
လမ်းခွဲရမယ်ဆိုတော့လည်း...
ကိုယ့်စိတ်မှာ မဖြေသာတော့ပါ
အမှတ်တရများစွာ...

လမ်းကျဉ်းကျဉ်းလေးတွေကြား
မျက်နှာတွေကြား
စကားသံတွေကြား
တိုးဝေ့ရင်း...
နာရီလက်တံတွေကိုမော့ကြည့်လို့
ခြေလှမ်းတွေစိပ်ခဲ့ဖူးတယ်...

နေ့ရက်တွေ ကုန်ဆုံးတဲ့အလျောက်
ရာဇဝင်ရဲ့ စာမျက်နှာတွေကြားမှာ
လွမ်းဆွတ်တသမှုတွေ
ဝေဝါးလို့သာ
အရိပ်ထင်နေတော့တယ်...

အတိတ်ရဲ့ အတွေးစုတွေကို
သိမ်းပိုက်ထွေးပွေ့ရင်း
မနက်ဖြန်ညများမှာ
အိပ်မက်တွေ သိပ်သည်းကုန်ရော့မယ်...

စွဲလန်းမှုတွေကို
ခဏတာမျှ မေ့လျော့လိုက်ချင်လို့...
သူ..မသိ၊မကြားစေဖို့
နွေနှောင်းလေပြည်တွေနဲ့အတူ
ဒီညမှာ..
ခပ်တိုးတိုးလေး အိပ်မောကျခွင့်ပေးပါ
ဧဒင်ဗရာ....။

နှလုံးသား တစ်ခုရဲ့ ပန်းချီ

စာရွက်ပေါ်အကြမ်းရေးထားတာပဲ တင်လိုက်တော့မယ်.... စာပြန်မရိုက်တော့ဘူး...
Right-click > Open in new tab လုပ်ပြီး ကြည့်ကြပါ..

  

လွင့်ပြယ်သွားသော အချိန်ကာလများ

    
         ခပ်ဆွေးဆွေးသီချင်းသံတို့က ရေဒီယိုစပီကာမှ ယိုစီးကျလာသည်.....။ မီးလင်းဖိုနဘေးမှာ အိပ်ပျော်နေသော ဘော်ဘီထံမှ ဟောက်သံတိုးတိုးလေးထွက်နေသည်.... ကြည့်မိတော့ မျက်နှာကိုတောင်မမြင်ရ ချစ်စရာအမွေးပွလုံးလေးအဖြစ်နဲ့သာတွေ့ရသည်...။ မီးဖိုထဲကထင်းချောင်းတွေကတော့ တဖျစ်တောက်တောက်နှင့်... ဒီလိုချစ်စရာအချိန်မှာ ဘာကိုများ မကျေမနပ်ဖြစ်နေကြသလဲ.....။ တချက်မှာ အေးစိမ့်သွားတော့အသိကြောင့် ပြတင်းပေါက်တံခါး မပိတ်ရသေးမှန်းသတိရမိသည်....လေတွေက စိမ်းကားစွာအေးစက်လှချည်လား...။ မှန်ချပ်တွေကတစ်ဆင့် ခပ်ဖြာဖြာကျရောက်နေသော လရောင်သည် ချမ်းစိမ့်ခြင်းကိုပိုပြီးထူခဲစေသယောင်... ။ ပြတင်းပေါက်အပြင်ဘက်တွင် အိမ်ခြေငယ်ငယ်လေးတွေ နှင်းတွေအောက်မှာ အိပ်မောကျလို့နေသည်..... မီးလုံးဝါ၀ါလေးတွေ လင်းနေတဲ့အိမ်တိုင်းရဲ့ ခေါင်းတိုင်တွေမှာတော့ မီးခိုးတွေတလူလူနှင့်...။

         အချိန်စောသေးတာပဲလေ....သူမလမ်းလျှောက်ထွက်ချင်သလား မေးကြည့်ဦးမှလေ....။ အပြင်ဘက်မှာနှင်းတွေတော့ကျမနေ.....ကောင်းကင်သည်အေးမြကြည်လင်လို့သာနေသည်....။ ဆောင်းညတွေကို ချစ်မြတ်နိုးသော သူမ ဘယ်လိုလုပ်ငြင်းလိမ့်မှာလဲ....။ နှစ်ယောက်သား အနွေးထည်ထူထူဝတ်၊ ဦးထုပ် ၊ လည်စီးပုဝါ နှင့် လက်အိတ်တွေပါမကျန်သေချာဝတ်အပြီးမှာ အပြင်ထွက်ခဲ့ကြသည်...။ လင်းဖြာနေတဲ့ လရောင်အောက်မှာ မြင်မြင်သမျှသည် ဆွတ်ဆွတ်ဖြူလို့ လှချင်တိုင်းလှနေသည်.... သူမနှုတ်ခမ်းဖျားမှာ အပြုံးလေးတစ်ပွင့် တွဲခိုနေတာကိုပင် သူသတိပြုမိသေးသည်...။

"ဆောင်းရာသီညတွေဟာ သိပ်လှတာပဲနော် ကို.."

"အင်း...."

"ကြယ်တွေရယ် ဟိုးအဝေးကတောင်တွေရယ်... အဲဒီအောက်ဘက်က တောအုပ်ကလေးရယ်...အားလုံးသိပ်ချစ်စရာကောင်းတာဘဲ..."

"အင်း..."

         ဆောင်းညရဲ့ဖမ်းစားမှုအောက်မှာ သူကိုယ်တိုင်လည်းစကားလုံးတွေဆွံ့အနေပြီလေ...။ မြို့ငယ်လေးရဲ့ မီးတိုင်တွေအောက်က လမ်းမတွေမှာတော့ လူသူကင်းရှင်းလို့...။ မြို့လယ်ခေါင်မှာ တစ်ပင်တည်းအထီးကျန်နေတဲ့ ခရစ်စမတ်သစ်ပင်ကြီးကို နောက်ဆုံးတစ်ခါ သွားနှုတ်ဆက်ကြတယ်...။ နာရီစင်ကိုမော့ကြည့်တော့ နာရီလက်တံနှစ်ခု နံပါတ် ၉ မှာတစ်ထပ်တည်းကျလို့.... သူတို့လက်တွေလည်း မြဲမြဲဆုပ်ကိုင်ထားကြတယ်...။ 

         နှစ်တစ်နှစ်မှာ နွေရယ် မိုးရယ် ဆောင်းရယ် ရာသီတွေအပြောင်းအလဲမြန်လွန်းလှသည်....။ ရေကန်စပ်လှေကလေးတွေ အနားက ပူနွေးနွေး နွေရာသီညနေခင်းတွေကို လွမ်းဆွတ်တမ်းတကြသလို.... နှစ်ယောက်သား ထီးကလေးဆောင်းကာ လျှောက်ခဲ့ကြတဲ့ မိုးရာသီလမ်းမတွေကိုလည်း သတိရရကြသည်..။ သတိမထားလိုက်မီကုန်လွန်သွားသော ပြက္ခဒိန်စာမျက်နှာများကို ရေတွက်ရင်း... အံသြတမ်းတမိသည်.....။ တစ်နှစ်စာ အမောတွေပြေစေဖို့အတွက်သာ ဆောင်းဟာ မြင်မြင်သမျှပတ်ဝန်းကျင်မှာ အစွမ်းကုန်လှပပေးနေတော့သည်လေ...။ နှစ်သစ်ဟာ စိတ်လှုပ်ရှားမှုတွေနဲ့ ကြိုနေမှာလား... စိန်ခေါ်မှုတွေနဲ့ စောင့်နေမှာလားဆိုတာ မရေရာ.... သို့သော် နှစ်တစ်နှစ်နဲ့နောက်ဆုံးအချိန်မှာ လွမ်းမောစရာကောင်းနေတာတော့ အသေအချာ...။

"လာလေ ကို... ချောင်းကလေးပေါ်လမ်းလျှောက်ရအောင်.."

"အင်း... ဖြည်းဖြည်းသွား ချောမယ်.."

         ဒီဇင်ဘာရဲ့ အအေးဓာတ်ကြောင့် မြို့ကိုဖြတ်စီးသော ချောင်းကလေးပင်ရေတွေခဲနေသည်...။ ရေခဲပေါ်နင်းလိုက်တိုင်း ချောမှာစိုးသောကြောင့် သတိထားလျှောက်နေရသည်....။ ချောင်းကိုဖြတ်မိုးထားသော တံတားလေးသည်..နှင်းတွေအောက်မှာ ငြိမ်ကုပ်လို့... ချစ်စရာပင်ကောင်းနေတော့သည်...။ လမ်းလျှောက်နေစဉ်မှာပင် ...နှင်းပွင့်များ တစတစကြွေကျလာတော့သည်...။

      "သတိထား.." ဟု ပြောလို့မဆုံးမီ သူမခြေချော်သွားသည်...။ အချိန်မီစွာပင် သူမကိုယ်လေးကိုလှမ်းပွေ့လိုက်နိင်လို့ တော်သေးတယ်...။  သူမမျက်နှာပင် ထိတ်လန့်ခြင်းတစ်မှုန်မျှမရှိ ပြုံးလို့သာနေသည်...။

"ကိုက မြန်သားပဲ.."

"ဒါပေါ့..."

         သူတို့နှစ်ယောက် တစ်ယောက်ကိုတစ်ယောက် ပြုံးကြည့်ရင်း ခပ်အုပ်အုပ်ရယ်ကြသည်...။ ရယ်သံတို့အဆုံး.....လရောင်ဖြာဆင်းနေတဲ့ ချောင်းမျက်နှာပြင်ပေါ် အရိပ်တို့ပူးကပ်သွားကြသည်....။ ချောင်းအနီးအိမ်တစ်အိမ်မှ ခပ်တိုးတိုးရေဒီယိုသီချင်းသံတစ်ခု နှင်းဖတ်တို့နဲ့အတူ ပျံ့လွင့်နေဆဲ...။



Music Playlist at MixPod.com

(I do not own any rights for the music and picture used in the post)

မြန်မာပြည်ခရီး - ၁၀ (ဟိုပုံး ထမ်ဆမ့်ဂူ)

အခု ခရီးစဉ်အမှတ်(၁၀)ရေးမလို့လုပ်တုန်း ဘယ်မှာဆုံးထားသလဲလို့ အမှတ်(၉)ကိုပြန်ကြည့်တော့ ဟိုးစက်တင်ဘာလကတည်းကပါလား...။ ခဏလေးလို့ထင်ထားပေမယ့် ၂လတောင်ရှိသွားပြီး..အချိန်တွေများမြန်ချက်ဗျာ..တစ်လဆိုခဏလေးဘဲ..။ ယူတားခရီးတုန်းကလို ဘကျောက်နမိတ်ဖတ်ခဲ့သလိုများဖြစ်နေသလားမသိဘူး...လဆက်ကိုဖြစ်နေတော့တယ်..။ သွားခဲ့တာတွေပြန်စဉ်းစားကြည့်ပြီး အခုချိန်တောင်ကောက်ကာငင်ကာ ပြန်သွားလိုက်ချင်တယ်..ဒီအချိန်ခရီးသွားလို့ကောင်းတဲ့အချိန်လေ..။

 

အင်းလေးကနေအပြန်ကျတော့မောပြီး ညဘက်အိပ်လို့အတော်ကောင်းသွားတယ်..။ နောက်တစ်နေ့မနက်ပိုင်း အိမ်မှာ သံဃာငါးပါးဆွမ်းကပ်ပြီးတော့ နေ့လည်ပိုင်းအချိန်ရနေတာနဲ့ ထမ်ဆမ့်ဂူဘက်သွားဖို့ပြင်ကြတယ်... ကြုံတုန်းတော့တစ်ခါလောက်ရောက်ဖူးအောင်သွားချင်တယ်လေ..။ နေ့လည်တစ်နာရီခွဲလောက်အိမ်ကထွက်ဖြစ်တယ်... အဲဒီအချိန်တော့ ကောင်းကင်ကမိုးသားနည်းနည်းရှိတာကလွဲလို့ ကြည်လင်နေတယ်..။ မင်းလမ်းတစ်လျှောက်ဖြတ်လာပြီးမှ ဂေါက်ကွင်းနားကနေဟိုပုံးဘက်ဆက်ထွက်ခဲ့ကြတယ်..။ တောင်ကြီးနဲ့ဟိုပုံးက ၁၀ မိုင်လောက်တော့ ဝေးမယ်ထင်တယ်...ငယ်ငယ်လေးကတည်းက အခုချိန်ထိဟိုပုံးမှမရောက်ဖူးသေးဘူး...ဂေါက်ကွင်းကျော်လို့တစ်ခါမှမသွားဖူးသေးဘူး...။

 

 

ဟိုပုံးဘက်အသွား တောင်အဆင်းလမ်းကသာယာတယ်...ဟိုးအောက်မှာတောင်ကုန်းလေးတွေ အိမ်ခြေတွေနဲ့ ...အဝေးမှာတော့ ထုနဲ့ထည်နဲ့တောင်တန်းကြီးတွေ... ခပ်ရိပ်ရိပ်မိုးသားအောင်မှာ လွမ်းစရာမှိုင်းညို့လို့နေတယ်...။ ဟိုပုံးမြို့အသေးလေးတစ်ခုဘဲ....အဲဒီကနေထမ်ဆမ့်ဂူကို ၁၀ မိုင်ကျော်ကျော်ဆက်သွားရသေးတယ်...။ လမ်းတစ်လျှောက် စိမ်းစိုနေတဲ့ သစ်ပင်တွေနဲ့ မြေနီနီစိုက်ခင်းလေးတွေက စိတ်ကိုအေးချမ်းစေတယ်..။ လမ်းကြမ်းတယ်လို့ လူတွေပြောကပေမယ့်...ကျွန်တော်တို့သွားတုန်းကတော့ လမ်းကောင်းပါတယ်... ကိုက်၅၀၀ လောက်လမ်းနည်းနည်းကြမ်းပေမယ့် ကျန်တာကဖြောင့်ဖြောင့်ဖြူးဖြူးပါဘဲ...။

သွားရင်းနဲ့ ဟိုပုံးကိုရင်လေးကျောင်းဘက်သွားတဲ့လမ်းခွဲလေးတွေ့တယ်...ခပ်လှမ်းလှမ်းမှာကိုရင်လေးကျောင်းရှိတဲ့တောင်ကုန်းကိုမြင်နေရတယ်...။ အတွင်းလည်းတော်တော်ဝင်ရအုန်းမှာရယ်..အချိန်မရတာရယ်ကြောင့် အ၀င်ဖြစ်တော့ဘူး..။ ဖတ်ချင်ရင်တော့ မစူးနွယ်လေး ဘလော့မှာသွားဖတ်လို့ရတယ်..ပုံတွေလည်းလှတယ်..။ အဲဒီကနေဆက်သွားပြီးတော့မှ တောင်အတက်ပြန်စပြန်ရော...သိပ်တော့မသွားရတော့ဘူး...ခဏလောက်မောင်းပြီးမှာ ထမ်ဆမ့်ဂူကိုရောက်ပါတယ်...။ တောင်အတက်လမ်းတွေကမတ်တယ်...ကုန်တင်ကားကြီးတွေတော့ဖြည်းဖြည်းမောင်းသွားနေကြတာပါ...။ ပါလာတဲ့တောင်ကြီးကကြီးတော်ကတော့ပြောတယ်...အဲဒီကစလို့တောင်အတက်တောင်အဆင်းတွေချည်းဘဲတဲ့...သူကတောင်ကြီးနဲ့ လင်းခေးအသွားအပြန်လုပ်နေကျလေ...။ အမေဖက်ကအဘွားတို့က လင်းခေးဇာတိတွေလေ..အဖေဘက်ကညောင်ရွှေ တောင်ကြီးပေါ့..။

 

 

ဂူပေါက်ဆီသွားဖို့အတွက် လမ်းမကနေကုန်းလျှောလမ်းအတိုင်းဆင်းသွားရတယ်..ကားလည်းဆင်းလို့ရအောင်ကားလမ်းလုပ်ပေးထားပါတယ်..။ ဂူကအဆင်းလမ်းအဆုံးမှာပါ...အ၀င်ကမှာ သိပ်လှတဲ့ကျောက်ဆက်ပန်းဆွဲတွေတွေ့ရတယ်...။ ဒါမျိုးအရင်က တီဗီထဲမှာဘဲတွေ့ဖူးတာ....ပင်းတယနဲ့လည်းမတူးဘူး...။ ဂူအတွင်းမှာတော့ ကျောက်ဆက်ပန်းဆွဲတွေလက်ညှိုးထိုးမလွဲအောင် တွေ့ရတယ်.....ဂူကဘေးတိုက်လည်းကျယ်တယ်..မျက်နှာကျက်လည်းမြင့်တယ်...။ အပေါ်ဘက်မှာရေတံခွန်တို့ မရှိလို့ထင်တယ်..ကျောက်ဆက်တွေကနေ ရေသိပ်မကျဘူး...။ ဂူအတွင်းမှာတော့ တစ်ချို့နေရာတွေ ရေစီးနေတယ်... တစ်ခြားရောက်ဖူးတဲ့ဂူတွေမှာလိုပဲ အေးစိမ့်မှုတော့အသေအချာခံစားရတယ်...။ 

 

  

 

 
ပင်းတယလိုမျိုးဘုရားဆင်းတု ရုပ်ပွားတော်တွေသိပ်များသေးဘူး...တစ်ချို့တွေထုဆစ်လို့ပြီးသေးတာတွေလည်း ရှိတယ်..။ လက်နက်ကိုင်တပ်သား တစ်ယောက်စနှစ်ယောက်စတော့ ဟိုတစ်ထောင့်ဒီတစ်ထောင့်မှာတွေ့ရတယ်...။ ဂူအတွင်းပိုင်းကတော်တော်လေးကျယ်တယ်....။ အလယ်ပိုင်းမှာတော့ မြတ်စွာဘုရား ဓမ္မံစကြာတရားဦးဟောနေပုံ ဆင်းတုတွေရှိတယ်..။ တစ်ချို့နေရာမှာ ကျောက်ဆက်ပန်းဆွဲတွေကျနေတာ...ဂူကြမ်းပြင်ကိုတောင်ထိနေတယ်....။ လမ်းအဆုံးမှာ ရေထွက်နဲ့ရေတံခွန်အနိမ့်စားလေး ရှိတယ်...ရေစီးတော့တော်တော်လေးကြမ်းတယ်...ဆက်သွားလို့မရတော့လို့သာ လမ်းဆုံးတယ်ပြောရတာ...ရေထွက်နေတဲ့အနောက်ဘက်မှာတော့ ဂူကမဆုံးသေးဘူး...။ တကယ်တော့ အခုလိုလူတွေသွားလို့ရနေတဲ့နေရာတွေက ဂူရဲ့သုံးပုံတစ်ပုံဘဲရှိသေးတယ်လို့သိရတယ်...ဟုတ်တယ် တစ်ချို့နေရာလို့ လမ်းလုပ်လို့မပြီးသေးတာတွေတွေ့ခဲ့တယ်...။

 

 

 

 လမ်းအဆုံး

ဂူအပြင်ဘက်မှာ ဂူအတွင်းကရေတွေနဲ့စီးနေတဲ့ချောင်းကလေးရှိတယ်...အထွက်မှာ မိုးဖွဲလေးတွေကျလာလို့ သိပ်ပြီးအချိန်မရဘူး...ထမင်းကျွေးတဲ့ဘက်လည်းမသွားဖြစ်ဘူး..စားခဲ့ပြီးပြီမို့...။ ဟိုပုံးရေထွက်ရောက်တော့ အဲဒီကကြက်ကြော်ကောင်းတယ်ဆိုလာနဲ့ အိမ်ကလူတွေစားရအောင် ၀ယ်ပြန်ခဲ့တယ်....။  ဟိုပုံးမြို့ထဲက မွေတော်ဘုရားလည်း ၀င်ဖူးခဲ့ပါတယ်...။ 

 ဟိုပုံးမြို့

အပြန်မှာတော့ မိုးတွေသည်းသည်းမည်းမည်းရွာချလာပြီ...အချိန်လည်းမစောတော့ဘူး..။ မိုးသည်းသည်းမှာ တောင်ခိုးတွေနဲ့မြူတွေဆိုင်းနေတဲ့ တောင်တန်းတွေကတော့ ကျွန်တော်ဘယ်တော့မှမေ့မှာမဟုတ်ဘူး...။ တောင်ကြီးအ၀င် လမ်းပေါ်မှာတော့မြူတွေသိပ်သိပ်သည်းသည်းကျလာပြီ...။ ကျွန်တော်ချစ်တဲ့.......တောင်ပေါ်မြေရဲ့ညနေခင်းကတော့ .......လွမ်းမောဖွယ်ရာအေးချမ်းလို့နေခဲ့တယ်..။

ရွက်ကြွေ

ဆောင်းဦးရာသီမျိုးမှာ
ရော်ရွက်ဝါတွေကြွေကျတတ်ပေမယ့်..
ဒဏ်ရာဟောင်းတွေသာ
ဆောင်းရဲ့အေးမြခြင်းနဲ့အတူ..
ဆထပ်တိုး သိပ်သည်းလာခဲ့တယ်....။

လေအဝေ့မှာ
သစ်ရွက်တို့ လွင့်ပျံသလို..
စိတ်အစဉ်ဟာ
အတိတ်ဟောင်းမှာသာ ဝေ့၀ဲကျန်ရစ်တယ်...။

ခမ်းနားမှုတွေရဲ့ နောက်ကွယ်မှာ
နာကျင်ရမှုတွေနဲ့ ပေးဆပ်ရသလို...
ချစ်ခြင်းများရဲ့ ဒဏ္ဍာရီမှာလည်း
စွန့်လွှတ်ရမှုတွေလည်း ဒုနဲ့ဒေးပါပဲ...

အချစ်စစ်ကို
အခါလွန်မှ ရှာဖွေတွေ့ရှိခဲ့ပြီးနောက် ..........
.............. ..................
.............. ..................

ကြယ်တာရာတွေစုံတဲ့
ကတ္တီပါကောင်းကင်ပြင်ကို
တိတ်တခိုးမော့ကြည့်လို့
နှလုံးသားငယ်ခမျာ...နွမ်းလျစွာ
ခပ်ယဲ့ယဲ့သာ ပြုံးရှာလေတော့တယ်.....။



(မလေး ရဲ့ကြယ်တွေအကြောင်းကနေ ခံစားပြီးရေးဖြစ်တာပါ)

အတိတ်ကမြို့

မေ့လောက်ပြီဆိုသည့်အချိန်ရောက်ကာမှ ခပ်ရေးရေးအရိပ်ထင်လာသည့်အတိတ်တွေသည် ကျွန်တော့်အားတိတ်တဆိတ် ပြုစားလို့နေသည်..။ မခံစားနိုင်တော့သည့်အဆုံး...အလွမ်းတွေထွေးပိုက်ထားသည့်ကျွန်တော့်အသည်းနှလုံး ခပ်တိုးတိုးလေးစတင်ငိုကြွေးပါတော့သည်...။

ညနေခင်းတိမ်ရောင်တောက်တောက်တွေအောက်က ကျွန်တော့်မြို့ကလေးသည်နွေဦးပန်းပွင့်လေးတွေနှင့်အတူ ချစ်စဖွယ်ဖြစ်နေတတ်သည်..။ ကုန်းတက်ကုန်းဆင်းလမ်းတွေမှာ အခုလိုအချိန်မှာတော့ စိန်ပန်းပြာတို့ ဒဏ္ဍာရီဆန်ဆန် ကြွေကျနေဦးမှာပါ..။ တောင်တွေကာရံထားတဲ့မြို့လို့ ထပ်ပြီးမတင်စားချင်တော့ပါ.... မြူတွေဆိုင်းနေတဲ့တောင်တန်းတွေ မြင်တိုင်း သတိရမှုတွေပြိုကျတာ ခဏခဏရယ်ပါ..။

အချိန်တွေဟာလှည့်စားတတ်သာလား ကျွန်တော်မပြောတတ်ပါ... ဒါပေမယ့် တစ်နှစ်ဆိုတဲ့အချိန်မှာ နေ့ရက်တွေဟာသိပ်ရှည်ကြာလွန်းတာပါ...။ မြို့အတက် တောင်ခါးပန်းမှာတော့ စွယ်တော်ဖြူဖြူတွေက နူးညံ့စွာပြုံးပြလို့နေဆဲ....  စွယ်တော်တွေလောက်တော့ ကျွန်တော့်ဘ၀ မဖြူစင်နိုင်တာတော့ ကိုယ်တိုင်သာအသိဆုံးဖြစ်မယ်...။ မြို့အစွန် တောင်ကမ်းပါးယံကနေ လှမ်းမျှော်ကြည့်လိုက်ရင် တောင်အောက်ကလွင်ပြင်ကျယ်ကြီးကိုသာမက ဟိုးအဝေးကတောင်တွေကိုပါ မှုန်ပျပျမြင်ရတာပါ...။ သူငယ်ချင်းတစ်စု  အဝေးကမြင်ရတဲ့တောင်တွေရဲ့အရောင်တွေကို ငြင်းခုံခဲ့ဖူးပေမယ့် ...... အခုချိန်မှာ ငါတို့နှလုံးသားမှာအရောင်တွေစုံနေပြီဆိုတာကို ငြင်းခုံဖို့ခွန်အားရှိပါ့ဦးမလား...။

မိုးတွေသည်းသည်းမည်းမည်းရွာသွန်းပြီဆိုရင်တော့...တောင်ခိုးတွေနဲ့အတူ တစ်မြို့လုံးသိပ်သည်းအေးခဲသွားမြဲပါ...။ မိုးစက်တွေထဲပြေးလွှားဆော့ကစားချင်ခဲ့ပေမယ့်လဲ...အေးလွန်းလှတဲ့မိုးရေတွေကြောင့်...အိမ်ရဲ့တံစက်မြိတ်အောက်ကငေးမောရတာကိုဘဲ ကျွန်တော်ကျင့်သားရလို့နေပါပြီ..။ မိုးအေးအေးမှာ မီးဖိုနံဘေးခပ်တိုးတိုးဝင်ထိုင်လို့ မိသားစုဝိုင်းဖွဲ့စကားပြောခဲ့ကြတာတွေလည်း မမေ့နိုင်တဲ့အတိတ်တွေပါ...။

မြို့ကလေးရဲ့ နွေရာသီတွေကိုအစဉ်တစိုက်ချစ်တတ်ခဲ့ပေမယ့်...တစ်ခုသောနွေမှာ ကျွန်တော့်ကိုငိုကြွေးစေမယ့်လို့တော့ ဘယ်အခါကမှမထင်ထားမိခဲ့တာ အမှန်ပါ..။ အရင်အချိန်တွေကနွေးထွေးခဲ့ပေမယ့်...ဒီနှစ်မှာနွေဟာ ဆေးရုံရဲ့ဆေးနံ့တွေအောက်မှာ အေးခဲနေခဲ့ပြီ...။ အကောင်းဆုံးတွေကို မျှော်လင့်ထားပေမယ့် အဆိုးဆုံးတွေကို ရင်ဆိုင်နိုင်ဖို့တော့ကျွန်တော့်မှာ ခံနိုင်ရည်မလောက်ငခဲ့ဘူး....။ ဒီလိုနဲ့ နွေရာသီဟာတိတ်ဆိတ်ငြိမ်သက်စွာ ကုန်ဆုံးသွားခဲ့တယ်...။

ကျွန်တော့်ရဲ့ ပျော်ရွှင်မှု၊၀မ်းနည်းမှု၊၀မ်းသာမှု၊လွမ်းဆွတ်မှုတို့သည်...မြို့ကလေးရဲ့ရင်ခွင်မှာပင် ကိန်းအောင်းပျော်ဝင်ကျန်ရစ်ခဲ့ကြသည်..။ မြို့ကလေးကိုပြန်ရောက်တိုင်းလည်း ၀မ်းနည်းမှု၊ စာနာမှု၊ ကရုဏာသက်မှုတွေ ကျွန်တော့်မှာ အိတ်နှင့်အပြည့်.. မြို့ကလေးကတော့ စွဲလန်းနှစ်သက်ဖွယ်ကောင်းဆဲ...။ ဆောင်းအေးအေးမှာ ချယ်ရီပန်းတွေဝေသလို...နွေမှာတော့ စိန်ပန်းပြာတို့ကြွေနေဆဲ..။

ငါးနှစ်ဆိုသောအချိန်တွေသည် ကျွန်တော့်အားအတိုင်းအတာတစ်ခုအထိ ခံနိုင်ရည်ရှိစေလိမ့်မည်ဟုယုံကြည်မိပါသည်...။
အခုတော့ မြို့ကလေးသို့ပြန်ရောက်ဖို့သာ ကျွန်တော်စိတ်စောလို့နေမိပါတော့သည်...။

(၅ ရက်နေ့ကအဖေဆုံးတာ ၈နှစ်ပြည့်ပါပြီ.. အဖေ့ဇာတိတောင်ကြီးမြို့နဲ့ အဖေ့ကိုသတိရတမ်းတလွမ်းဆွတ်စွာနဲ့ဒီစာလေးကိုရေးပါတယ်..)

အချစ်မှာအရာအားလုံး တရားမျှတယ်

" ဒီသီချင်းကို နားထောင်လိုက်တိုင်း ..လူကသီချင်းမှာမျောပြီး ..စိတ်လွန်နယ်ပယ်တစ်ခုကို ရောက်သွားသလိုဘဲ.......။ ရင်ထဲမှာတော့ ခံစားမှုတွေ တလိပ်လ်ိပ်နဲ့ မှုန်မှိုင်းလို့ပေါ့...။ "

နားခိုရာ

ထင်းရှူးရနံ့တွေသင်းလို့ နွေဦးနဲ့တူတဲ့ အိမ်ကလေး

နွေးထွေးလုံခြုံ ချစ်စဖွယ်ကောင်းတဲ့ အိမ်ကလေး

ရိုးသားပွင့်လင်းဖော်ရွေတဲ့ အိမ်ကလေး

အားလုံးကို 

ညချမ်းအချိန်တစ်ခေါက် 

အလည်ရောက်ပြီးလို့ အပြန်မှာ

အလင်းစက်ကလေးတွေ 

တိတ်တဆိတ် ငြိတွယ်လိုက်ပါခဲ့တယ်....

အမှောင်တွေအောက် လမ်းပျောက်ခဲ့သူဟာ

ပိုးစုန်းကြူး အလင်းရောင်မှာ 

နှလုံးသားရဲ့ နားခိုရာကို

သိမ်သိမ်မွေ့မွေ့လေး 

ရှာဖွေတွေ့ရှိခဲ့....

လွမ်းစေတဲ့မိန်ရာသီ

 

မင်းရဲ့အလှတွေက 

သိပ်ကိုဖမ်းစားလွန်းနေပါလား

မိန်ရာသီရယ်... 

တစ်ကမ္ဘာလုံးက 

လှပမှုတွေပေါင်းစုထားသလိုဘဲကွယ်....

မင်းရဲ့ရွက်ကြွေတွေကြားက

ငါချစ်ရသူရဲ့ 

ခြေသံဖွဖွတွေကိုလည်း ပြန်ကြားမိပါရဲ့....

မင်းရဲ့ ကောင်းကင်က 

ကြယ်တွေကြားမှာလည်း 

ငါ့ချစ်သူကို လိုက်လံရှာဖွေဖူးပါရဲ့...

မင်းဖန်တီးထားတဲ့

ညနေခင်း တိမ်တွေရဲ့

ဆန်းပြားမှုတွေဟာလည်း

ငါ့နှလုံးသားဒဏ်ရာကို 

ပိုလို့သာ နက်ရှိုင်းစေပါရဲ့..

ချစ်သူကိုလည်း 

အကြိမ်ကြိမ် အဖန်ဖန်

သတိရ လွမ်းဆွတ်မိစေပါရဲ့..

ငါချစ်ရတဲ့သူတွေနဲ့ 

တွေ့ဆုံခွဲခွာခဲ့ဖူးရတဲ့ 

မင်းရဲ့ ရာသီအလယ် 

အခုတော့ 

ဆွံ့အစွာ ငါအထီးကျန်မိတယ်.....

မိန်ရာသီရေ.......

စွယ်တော်ဖြူတွေလောက်တောင်မှ 

မပျော်နိုင်တဲ့ ငါ့ဘ၀အတွက်

သရဖီရနံ့သင်းတဲ့

မင်းရဲ့လေပြည်တွေမှာ 

တိုးတိတ်စွာ

လွင့်ပါပျောက်ကွယ်သွားခွင့် ပြုပါတော့လားကွယ်...

photo credit : cartmellgallery.com

မချစ်ဖူးသေးတဲ့နေခြည်

ဒီသီချင်းနှစ်ပုဒ် အခုတလောခဏခဏနားထောင်ဖြစ်နေတယ်.....။ တစ်ခါတစ်လေ ရင်ထဲဘာမှခံစားချက်မရှိဘဲနဲ့လည်း ...သီချင်းတွေကလာလာရိုက်ခတ်လို့နေတယ်...။

ဆုန်သင်းပါရ်အသံနဲ့ဒီသီချင်းလေး တော်တော်လိုက်ဖက်တယ်..။ သီချင်းစာသားတွေကလည်း သေချာနားထောင်ကြည့်ရင် အဓိပ္ပာယ်ရှိတယ်..။

ဒီတစ်ပုဒ်ရဲ့ တကယ့်အော်ရီဂျင်နယ်က တရုတ်အဆိုတော်တစ်ယောက်ဆိုထားတာ..။ ခါတိုင်းကော်ပီတွေနားထောင်ပြီးမှ အော်ရီဂျင်နယ်နားထောင်လိုက်ရင် အော်ရီဂျင်နယ်ကိုပိုကြိုက်သွားတာများတယ်..။ ဒီနေခြည်ကတော့ ဇော်ပိုင်အသံနဲ့ suit အဖြစ်ဆုံးလို့ထင်တယ်..သူဆိုထားတာဘဲကြိုက်တယ်.. ။ "ကိုယ့်ဘ၀ကို စွန့်သွားတော့နေခြည်" ဆိုတဲ့နေရာအကြိုက်ဆုံးဘဲ..။

ဒွိဟ

အဖြူရောင်တွေကိုချစ်တတ်ပေမယ့်

အနက်ကိုလည်း မမုန်းချင်တဲ့ကိုယ်ဟာ

နှလုံးသားရေးရာနဲ့ပတ်သတ်လာတဲ့အခါ

ပြတ်ပြတ်သားသားရှိချင်တာ 

အကြိမ်ကြိမ်အခါခါပါ....

မှိုင်းညို့ညို့သစ်တောအုပ်လေး

ရေအိုင်ကြည်ကြည်လေး

အမွှေးဖြူဖြူယုန်ကလေး

မဲနက်နက်တောကျီးကန်းလေး

အားလုံးကို အဖြေတောင်းခဲ့ဖူးတယ်... 

ကိုယ့်မေးခွန်းတွေမှာသာ

သူတို့တစ်တွေ တွေဝေမိန်းမောလို့ရယ်....

မိုးကုတ်စက်ဝိုင်းတွေ မဆုံးသလို 

ကိုယ်ဟာလည်း

အဖြေတွေ ရှာမတွေ့ခဲ့ဘူး......

အဆုံးသတ်မှာတော့ 

မြေနီရောင် နေ့ရက်တွေအတွက်သာ

အိပ်မက်တွေကို တိုင်တည်လို့

ကြယ်ရောင်တွေအောက်

လွမ်းဆွတ်တမ်းတစွာ

ငိုကြွေးမိတော့တယ်....

မက်မွန်ရောင်မီးပုံး

ရေတံခွန်ဟာ

နှလုံးသားတွေ ခမ်းခြောက်တဲ့အထိ

တိတ်တိတ်လေး စီးဆင်းနေခဲ့ဖူးတယ်...

ခဏတာလေးလို့ပြောပေမယ့်

ရင်ကွဲပက်လက်ဖြစ်နေတဲ့

နှင်းဆီတစ်ခက်အတွက်တော့

အချိန်တွေသာ ခပ်နက်နက်ဆူးနစ်နေခဲ့.....

အသံတွေမကြားပေမယ့်

စကားလုံးတွေဟာ

ဆောင်းရာသီကောင်းကင်မှာ

မက်မွန်ရောင် မီးပုံးတွေအနေနဲ့သာ

မှိန်ဖျော့ဖျော့ လွင့်မျောလို့ရယ်.........

The First Time

မင်္ဂလာနှစ်သစ်မှာ စာလာဖတ်သူအပေါင်း၊ ဘလော့ပေါ်ကညီအစ်ကိုမောင်နှမအားလုံး ပျော်ရွှင်ကျန်းမာပြီး ကိုယ်ပိုင်စိတ်ကူးအိပ်မက်တွေအကောင်အထည်ဖော်နိုင်ကြပါစေလို့ ဆုတောင်းပါတယ်..။ ကျွန်တော့်အတွက်တော့ ၂၀၁၀ ဟာမြန်မြန်ဆန်ဆန် ရိုးရိုှးရှင်းရှင်းနဲ့ပဲ ကုန်ဆုံးသွားတယ်..။ ၂၀၁၁ မှာဖြစ်လာမယ့် ရှိလာနိုင်မဲ့အပြောင်းအလဲတွေအတွက် ကြိုတင်ပြင်ဆင်ရင်း.......................။

အခုတလော စိတ်ထဲပါးစပ်ထဲစွဲနေတဲ့သီချင်းတစ်ပုဒ်ရှိတယ်...။ စာလာဖတ်သူတွေကိုလည်း ၂၀၁၁ မှာဦးဦးဖျားဖျားနားထောင်မိစေချင်တယ်..။ သီချင်းနံမည်က The First Time Ever I Saw Your Face တဲ့..။ ပြန်ဆိုထားတာတွေအများကြီး ဆိုထားတဲ့ဗားရှင်းတိုင်းကိုကြိုက်တယ်... စာဖတ်သူတွေကိုလည်းတစ်ပုဒ်ချင်းဆီကို အချိန်ရရင် နားထောင်မိစေချင်တယ်...။ Leona Lewis ဆိုထားတာတော့ အကြိုက်ဆုံးဘဲ... အဲဒီမှာသူမသိပ်လှနေတယ်.. :)..။ Roberta နဲ့ Matt ဆိုထားတာလည်းကောင်းတယ်..။ Celine Dion ဆိုထားတာကနားထောင်လို့ကောင်းပေမယ့် ... emotion သိပ်မပါဘူးလို့ထင်တယ်....။

ခွင့်လွှတ်ခြင်း

"ဒီဇင်ဘာဟာ..စိတ်ကိုခပ်ဖွဖွလေးဆွတ်ပျံ့စေတယ်..

အတိတ်ဟောင်းတွေကိုလည်း ထွေးပွေ့ယူဆောင်လာတုန်းဘဲ....

လှစ်ဟာနေတဲ့နှလုံးသားတစ်ခုနဲ့...

လှပတဲ့ ကမ္ဘာမြေကို...ဆွေးမြေ့စွာငေးမောရင်း

လွမ်းမောတသစွာ...

ငါ.... အထီးကျန်မိတော့တယ်"

ဒီသီချင်းကို စက်တင်ဘာလလောက်တည်းက ညတိုင်းလိုလိုနားထောင်ဖြစ်နေတာ...အခုချိန်ထိ။ စာသားနဲ့သံစဉ်အေးအေးလေးကို သဘောကျတယ်..။ Favourite Arist ထဲကတစ်ယောက်...။ အားလုံးနားဆင်ခံစားနိုင်အောင် ပြန်မျှဝေပါတယ်..။ ဗားရှင်းနှစ်ခုလုံးကြိုက်တယ်...။

"Forgiveness"

Loving lying enemy

I have seen your face before

Never thought again I’d see

Didn’t want to anymore

I remember your loving eyes

And the moonlit kiss

The evening lullabies I will truly miss

Through the years we had it all

Midnight whispers, the midday calls

This house of cards, it had to fall

And you ask for forgiveness

You’re asking too much

I have sheltered my heart in a place you can’t touch

Don’t believe when you tell me your love is real

Because you don’t know much about heaven boy

If you have to hurt to feel

Every time I see you

I can’t help but look away

All along I had believed everything you’d say

When I look now I know I’ve seen your face before

Don’t want your deceiving smile

Standing at my door

And I don’t care what people say

I’m ready now to face this day

And you ask for forgiveness

You’re asking too much

I have sheltered my heart in a place you can’t touch

Don’t believe when you tell me your love is real

Because you don’t know much about heaven boy

If you have to hurt to feel

Because you don’t know much about heaven boy

if you have to hurt

And you ask for forgiveness

You’re asking too much

I have sheltered my heart in a place you can’t touch

Don’t believe when you tell me your love is real

Because you don’t know much about heaven boy

If you have to hurt to feel

အပြန်

ဝမ်းနည်းစရာကောင်းလွန်းလို့

တိမ်တွေတောင်ငိုချထားတဲ့ မြေပြင်မှာ

လွမ်းဆွေးတတ်တဲ့စိတ်တွေ

မြက်ရိုင်းတွေလို ခပ်မြူးမြူးပျော်ပါးတယ်......

ကန်ရေပြင် ငြိမ်သက်နေပုံထောက်တော့

ဒီနှုတ်ခမ်းတစ်စုံ

တင်းတင်းစေ့နေလို့ကြောင့်သာဖြစ်မယ်......

မမောနိုင်ရှာသေးတဲ့ ငှက်ငယ်လေး

ချမ်းအေးလွန်းတဲ့ ဒီလိုညမှာလည်း

မပြီးသေးတဲ့ တေးသွားကို

ခပ်တိုးတိုး ဆိုညည်းနေတယ်....

မိုးမခပင်အောက်မှာလည်း အရိပ်တို့သိပ်သည်း

ခပ်မှိန်မှိန်လင်းတဲ့ ကြယ်ရောင်တွေအောက်မှာပဲ

အဖော်မပါ ငါတစ်ယောက်တည်းသာ

အခန်းသို့ တိတ်တဆိတ်ပြန်လာခဲ့.....

ဝေဒနာ

 

တိတ်ဆိတ်တဲ့ခြေသံ

လူအသိ မခံလိုပါ...

ကဗျာတွေဟာ ဝေဒနာ

စာမျက်နှာပေါ်မှာ အရိပ်ထင်လာတဲ့အခါ...

မှောင်တဲ့ကောင်းကင်အောက်မှာ

ညဟာ တဖြည်းဖြည်းသိပ်သည်းလာတယ်...

မျက်လုံးတွေကို

စည်းချက်ကျစွာ ပိတ်လိုက်တဲ့အချိန်မှသာ

အတိတ်ကမျက်နှာတွေကို ခပ်ရေးရေးမြင်ယောင်တယ်...

ကျော်လွန်ခဲ့တဲ့

ပြက္ခဒိန်နဲ့ နာရီတွေ

ရပ်တန့်အနားယူဖို့ အချိန်တန်ပြီကွယ်....

အသံတွေ နှုတ်ခမ်းဖျားမှာဆွံ့အနေလို့ရယ်

အာရုံတွေစုစည်းလို့သာ

အသေအချာနားထောင်လိုက်တော့တယ်...

နှလုံးသားက ဖွဖွလေးပြောတယ်

"ထာဝရ အိပ်စက်ပါတော့ကွယ်"

ပျောက်ဆုံးသွားတဲ့ကြယ်

ခပ်ဖြည်းဖြည်းဝဲကာဝေ့ကာကျလာတဲ့ သစ်ရွက်လေးတစ်ရွက်အတွက်မဟုတ်ရင် ကန်ရေပြင်ကတိတ်ဆိတ်ငြိမ်သက်လို့သာနေတော့မယ်..။ အလင်းရောင်ဖျော့ဖျော့ ပိုးစုန်းကြူးတို့ကသာ ရေစပ်မှာမြူးထူးနေကြလေရဲ့..။ သစ်ရွက်တွေကြား လေတိုးလို့ထွက်လာတဲ့အသံသာ ပတ်ဝန်းကျင်ကိုကြီးစိုးလို့နေတယ်..။

" အနားမှာအမြဲရှိပေးနေရင် ကောင်းမှာပဲနော်..."

" ကိုယ်လဲဘယ်လိုလုပ် ခွဲခွာလို့နေရက်မှာလဲ အချစ်ရယ်... "

" ဟိုးအနောက်မြောက်ယွန်းယွန်းက ကြယ်လေးနှစ်ပွင့်ကိုမြင်လားဟင် ၊ ပေါ်လာတော့လည်းအတူတူ ပျောက်သွားတော့လည်းအတူတူ... သူတို့ကိုမြင်တိုင်း သိပ်သတိရတာပဲ........... "

သူမခန္ဓာကိုယ်လေးကိုသာ ခပ်ဖွဖွထွေးပွေ့မိလိုက်တော့တယ်..။ မြောက်ပြန်လေနဲ့အတူ သင်းပျံ့တဲ့ထင်းရှူးရနံ့တွေဟာ အနီးအနားမှာ လွှမ်းခြုံနေတော့တယ်....။ တီးတိုးစကားသံလေးတွေ နားထဲမှာကြားယောင်လာတယ်... တောအုပ်အတွင်းက သစ်ပင်တွေစကားပြောနေကြတာဘဲထင်တယ်....။

ကန္တာရရဲ့ခြောက်သွေ့မှုမှာ ရင်ထဲကပူလောင်ပြင်းပြခြင်းတွေနဲ့စာရင် ဘာမှမဆိုသာလောက်ပါဘူး...။ ကန္တာရမှာ လေနီကြမ်းတွေနဲ့သာ ရှားဇောင်းပင်တွေနဲ့သာ သူငယ်ချင်းမိတ်ဆွေတွေလို.....။ ဖုန်ထူထူတွေရဲ့ စကားလုံးတွေကြားမလည်း မကြာခဏဆိုသလို....မိန်းမောအိပ်မောကျဖူးပါရဲ့လေ....။

" အချစ်ရေ... ကိုယ်မကြာခင်ပြန်လာတော့မယ်။ ကိုယ့်ကို ဘာလို့စာမရေးတာလဲကွယ်... သတိမရလို့လား ဒါမှမဟုတ် မချစ်တော့လိုလား အချစ်ရယ်..။ ကန္တာရမှာ မင်းချစ်တတ်တဲ့ ထင်းရူးနဲ့စိန်ပန်းပြာတွေမရှိပေမယ့်.... ချစ်စရာမြေနီနီမြို့လေးတွေရှိတယ်...။ မပြန်လာခင်တော့ မင်းကိုအလည်တစ်ခေါက်လောက်တော့ ခေါ်ပြချင်တယ်...။ အဲဒီအခါ သူတို့ရဲ့ မရိုးနိုင်စရာပုံပြင်လေးတွေလည်း မင်းကြားရလိမ့်မယ်...။ သိပ်ချစ်လို့ တမ်းတမိတယ်အချစ်ရယ်... "

..........................
.........................................
..................................................

အဲဒီနေ့ကတော့ ... လေနီးကြမ်းတွေလည်းမတိုက်ခဲ့ဘူး...ဖုန်လုံးနီနီတွေလည်း နှုတ်ဆိတ်လို့နေတယ်..။ ဆိတ်ငြိမ်နေတဲ့ မြေနီမြို့ကလေးဟာ ၀မ်းနည်းတမ်းတခြင်းတွေကိုသာ ထွေးပိုက်လို့ကွယ်...။ ကန္တာရအထက် ကောင်းကင်ပြင်ဟာ ကြည်လင်ပြန့်ပြူးလို့်ရယ်...။ ဒါပေမယ့်...သို့ပေမယ့်... အနောက်မြောက်အရပ်ဆီမှာတော့.... ကြယ်လေးတစ်လုံးသာ ခပ်မှိန်မှိန်လင်းလို့ နေတော့တယ်.....။

သူမ

ညဉ့်ငှက်ငယ်လေးတွေတောင်

အိပ်မောကျကုန်တဲ့

ဒီလိုညမှာ

ရွက်ကြွေတွေကြား

လေပြည်ဟာ

ခပ်တိုးတိုး တေးဆိုနေလေရဲ့.....။

ဆိတ်ငြိမ်တဲ့ ကောင်းကင်မှာ

ပြာလဲ့လဲ့ ကြယ်တွေသာ

နဂါးငွေ့တန်းတွေကြား

မြူးထူးပျော်ပါးကြလို့ရယ်.....။

ချမ်းစိမ့်တဲ့ ရာသီဟာ

အလွမ်းတွေကို

ရွာကျသွားစေတယ်....။

သွားခဲ့ဖူးတဲ့

မိုးမခပင်အောက်ဝယ်

ထိုင်ခဲ့ဖူးတဲ့

ခုံတန်းလေးထက်ဝယ်

အခါခါသာ ဖွေရှာ.....

သူ့ကို လက်လွှတ်မိခဲ့သည်လား

သူက ထားခဲ့ပြီးလား...

နှလုံးသားမှာတော့

အဖြေမသိနိုင်တဲ့ တမ်းတခြင်းတွေ။။

ပန်းချီ

တောင်ကမ်းပါးယံတွေနောက်ခံထားတဲ့ တိမ်ပန်းချီ

စာကဗျာတွေ ဖွဲ့လို့မမှီ...

ထင်းရူးပင်တန်းလေး စီရစီ

တစ်ခါလောက်တော့ ဖြတ်လျှောက်ဖူးချင်သည်....

သူမမျက်ဝန်းမှာ ပုလဲလုံးတွေသီ

ကျွန်တော်သာလျှင်
ကြင်နာစွာထွေးပွေ့ နှစ်သိမ့်လိုက်ချင်တော့သည်.....