တောင်ကြီး

ဒီတစ်ခေါက် မြန်မာပြည်ပြန်တာ အချိန်သိပ်မရလို့ တောင်ကြီးမှာ (၃)ညပဲအိပ်ဖြစ်လိုက်တယ်..။ နောက်ဆုံးရက်တော့ အဘိုးအဘွားတွေကိုလိုက်ကန်တော့ဖြစ်တယ်...။ သီတင်းကျွတ်အချိန်ဆိုတော့ အိမ်တိုင်းအိမ်တိုင်းမှာ ညဘက်ဆိုမီးရောင်စုံတွေနဲ့....။ ညဘက်တော့ လေတအားတိုက်လို့ မီးပုံးတွေလုံးဝ ထွန်းလို့မရဘူး... မီးသီးတွေဘဲထွန်းရတယ်...။

မနက်စောစာထပြီး ဒေါ်နန်းပန်ဆိုင်မှာ ရှမ်းခေါက်ဆွဲသွားစားကြတယ်...။ ရန်ကုန်က ရှမ်းခေါက်ဆွဲတွေစားလို့မကောင်းဘူး... အမြဲစားဖြစ်တဲ့ဆိုင်ကတော့ ၄၇ လမ်းထိပ်က "နန်းထိုက်" မှာ..။ အရည်တစ်ပွဲ အသုပ်တစ်ပွဲစားခဲ့တယ်... ပဲသွေးမကြိုက်လို့ဖယ်စားတယ်... အဲဒီဆိုင်က တိုဖူးကြော် စားကောင်းတယ်.. အပြင်ကကြွပ်နေပြီး အထဲမှာ အရည်ပျော်ပျော်လေးနဲ့..။

နေခဲ့တဲ့ (၃)ရက်အတွင်း မိုးမရွာဘူး သိပ်လည်းမအေးဘဲ နေသာပြီးနေလို့ကောင်းတယ်...။ အိမ်ကောင်း၊ ကားကောင်း တွေများလာတယ်...။ အဘိုးအဘွား နဲ့ ဆွေမျိုးတွေအားလုံး ကျန်းကျန်မာမာနဲ့ဘဲ....။ သွားချင်တဲ့နေရာအချို့မရောက်ဖြစ်ပေမယ့်... တွေ့ချင်သူအားလုံးကိုတွေ့ခဲ့ရလို့ ကျေနပ်ပါတယ်...။

အမိုးနီနီနဲ့အိမ်ကလေးတွေ ၊ ချယ်ရီနဲ့ စိန်ပန်းပြာတွေ၊  တိမ်တိုက်တွေအောက်က တောင်တန်းပြာတွေ အားလုံးဟာ အခုတော့ လွမ်းစရာတွေပါ..။

ပင်းတယ ၊ တောင်ကြီး

     တောင်ကြီးရောက်တော့ နေတောင်ဝင်လုပြီ.... အအေးဓာတ်များလည်း တစ်စတစ်စပိုကဲလာကာ
ချမ်းစိမ့်လာသည်....။ အိမ်မှာညနေစာစားပြီး.... ကားနဲ့မြို့ထဲတစ်ပတ်ထွက်လည်ဖြစ်သည်....။ စတိုးဆိုင်များ၊ အကင်ဆိုင်များနှင့် တောင်ကြီးညနေခင်းသည်စည်ကားလို့နေသည်.......။

တောင်ကြီးအဆင်း

ဟဲဟိုးအတက်လမ်း

     နောက်တစ်နေ့မနက်တော့ စောစောထပြီး ပင်းတယသို့သွားဖို့ပြင်ဆင်ရသည်...။ ပင်းတယကိုမရောက်ဖြစ်သည်မှာ ၂၀၀၁ ခုနှစ် အောက်တိုဘာလကတည်းကဖြစ်သည်...အဲသည်တုန်းက ကုံလုံဆရာတော်ကြီးကိုလည်း အခွင့်ကြုံစွာဖူးခဲ့ရသေးသည်...။ ၁၂ နှစ်ကြာမှ ပင်းတယသို့နောက်တစ်ကြိမ် ရောက်ခဲ့ရပြန်သည်....။

     တောင်ကြီးအဆင်းလမ်းတစ်လျှောက်တွင် ပန်းဝါဝါလေးများနှင့် သာယာစိုပြည်နေသည်....။ တောင်အောက်ကိုလှမ်းကြည့်လိုက်လျှင်လည်း မြူတွေဆိုင်းနေသည့် အေးသာယာလွင်ပြင်ကိုမြင်နိုင်သေးသည်....။ ဟဲဟိုးအတက် ဘဝသံသရာတံတားနေရာနှင့် ဟဲဟိုးမှအောင်ပန်းအတက် ထင်ရူးပင်များစီတန်း နေသောတောင်အတက်လမ်းကလေးများကို သဘောအကျဆုံးဖြစ်သည်....။

အောင်ပန်းအတက်

အောင်ပန်းအတက်

ယူကလစ်ပင်တန်း

     အောင်ပန်းမဝင်မီ ယူကလစ်ပင်တန်းကိုမြင်တော့ ငယ်ငယ်ကအဲဒီနားမှာကားပျက်ခဲ့ဖူးတာ ကိုအမှတ်ရနေသေးသည်.... ၁၉၉၅ လောက်ကဖြစ်မည်..။ အောင်ပန်းရောက်တော့ ချယ်ရီမှာ ခဏနားမုန့်စားဖြစ်သေးသည်...။ ကုန်တင်ကုန်ချဖြင့် စည်ကားနေသော အောင်ပန်းကနေမှ ပင်းတယသို့မြောက်အရပ်အတိုင်းခရီးနှင်ခဲ့သည်...။ ပင်းတယဘက်လမ်းတစ်ကြောသည် တောင်ကုန်းများ နိမ့်ချည်မြင့်ချည်ဖြင့် သာယာလှသည်.....။ ပန်းမုန်လာ၊ အာလူး၊ ချင်း နှင့် ဂျုံစိုက်ခင်းများအကြား ရှမ်းကုန်းမြင့်ဧ။် မြေနီနီများကိုလည်း တွေ့ရသည်...။

ပန်းမုန်လာစိုက်ခင်းများ

စိုက်ခင်းများ

     ကျုံး နှင့် ပွေးလှ မြို့များကိုဖြတ်ကျော်ပြီးနောက် ၁၀နာရီခွဲလောက်ပင်းတယကိုရောက်ကြသည်....အရင်အတိုင်းမပြောင်းမလဲရှိနေဆဲဘဲ..။
ပထမဆုံး ရွှေဥမင်လိုဏ်ဂူကိုသွားခဲ့ကြသည်.. ကမ္ဘာလှည့်ခရီးသွားများလည်း အများအပြား...။ အကြိုက်ဆုံးနေရာကား ရွှေဥမင်သို့ ဓာတ်လှေကားနှင့်တက်ရန် ဖြတ်သွားရတော စောင်းတန်းနေရာလေးဖြစ်သည်...။ ထိုနေရာမှ ပုန်းတလုတ်ကန်နှင့်အတူ ပင်းတယတစ်မြို့လုံးကို စီးမိုးပြီးကြည့်နိုင်သည်....။ ဟိုးအဝေးမှ တိမ်စိုင်တိမ်လိပ်များနှင့် ကောင်းကင်ပြာပြာအောက်က တောင်ကုန်းတောင်တန်းများကလည်း လွမ်းမောစရာ....။ ရာသီဥတုကတော့ မပူမအေးနှင့် နေလို့အကောင်းဆုံးဖြစ်သည်...။

ပင်းတယအဝင်

ရွှေဥမင်စောင်းတန်းမှ

ရွှေဥမင်စောင်းတန်းမှ

အလယ်ဥမင်သို့အသွားလမ်း

အလယ်ဥမင်မှ အပြန်စောင်းတန်း

     ရွှေဥမင်ဂူအတွင်းမှ ဘုရားများဖူးပြီး အလယ်ဥမင်သို့ ဆက်သွားခဲ့သည်...။ အလယ်ဂူကိုတော့ လူသိပ်မသွားကြ..နိုင်ငံခြားသားအချို့သာတွေ့ခဲ့သည်..။ အလယ်ဂူသွားရာစောင်းတန်းတစ်လျှောက် တောင်စောင်းတွေမှာ ထင်ရူးပင်များနှင့်စိမ်းစိုလို့နေသည်....။ အပြန်တော့ ဈေးတန်းမှာ လက်ဖက်စို၊လက်ဖက်ခြောက်များ နှင့် လက်ဆောင်ပစည်းအချို့ဝယ်ခဲ့သည်..။ ပင်းတယမြို့ထဲမှာတော့ ဘယ်မှမလည်ဖြစ်ဘဲ... ဦးအစိတ်ဆိုင်မှာ နေ့လည်စာစားပြီး တောင်ကြီးပြန်ခဲ့တယ်....။

     ပင်းတယအပြန်လမ်းမှာ တိမ်တွေအုံ့ဆိုင်းကာ နေရောင်ခြည်တွေဟာ  တိမ်တွေကြားကနေလှပစွာဖြာကျနေခဲ့တယ်.....။  ဆုံတွေ့ချိန်တိုင်းမှာ ကြည်နူးရပေမယ့်...  ခွဲခွာချိန်မှာတော့ နာကျင်ရစမြဲပါဘဲ...။

မြန်မာပြည် အပြန်တစ်ခေါက်

မြန်မာပြည်ကို ခဏတာပြန်ရောက်ခဲ့တယ်....။
ရန်ကုန်၊ ညောင်ရွှေ၊ တောင်ကြီး နဲ့ ပင်းတယ စတဲ့နေရာတွေဆီ ရောက်ခဲ့တယ်.... အားလုံးဟာ နွေးထွေးစွာကြိုဆိုလျက်။
အချိန်သိပ်မရပေမယ့် တွေ့ချင်သူ ချစ်သူခင်သူအားလုံးကို တွေ့ရတဲ့အတွက် တကယ်ဝမ်းသာပါတယ်...။

 ရွှေတိဂုံ

 ဟဲဟိုး အဆင်း

ရန်ကုန်မှာ တစ်ရက်နေပြီး နောက်တစ်ရက် တောင်ကြီးကိုဆက်သွားခဲ့တယ်... ဟဲဟိုးလေယာဉ်ကွင်းကတော့ အရင်အတိုင်း မပြောင်းလဲ..။ လေယာဉ်အဆင်း တောင်တန်း တောင်ကုန်းတွေနဲ့ မြေနီနီစိုက်ခင်းတွေကို ပြန်တွေ့လိုက်ရချိန် စိတ်ခံစားမှုတွေဟာ ပြောမပြတတ်အောင်ပဲ....။

 

 

 ညောင်ရွှေအဝင်

 တောင်ကြီးမတက်မီ ဟဲဟိုးကနေ ညောင်ရွှေသို့ အရင်သွားခဲ့တယ်... မတွေ့တာနှစ်ပေါင်းများစွာကြာပြီဖြစ်တဲ့ အမျိုးအဆွေများကိုလည်း ဝမ်းပန်းတစ်သာပြန်တွေ့ရတယ်...။
ဖောင်တော်ဦးဘုရားပွဲအချိန်မို့ ညောင်ရွှေမြို့ဟာ အသက်ဝင်စည်ကားလို့နေတယ်...။ ကမ္ဘာလှည့်ခရီးသွားတွေလည်း အများအပြား...။ 

 ညောင်ရွှေမှအပြန်

တောင်ကြီးအတက်လမ်း

ညောင်ရွှေကအပြန်မှ တောင်ကြီးဆက်တက်ခဲ့တယ်.... နေဝင်ချိန်မို့ရှုခင်းတွေက လွမ်းစရာပါ...။ တောင်အတက်မှာ လေအေးအေးလေးတွေတိုက်နေခဲ့တယ်... တဖြည်းဖြည်းနဲ့ အေးစပြုလာပြီ။ အိမ်ကလူတွေလည်း မျှော်လှရောပေါ့...။
ကားလမ်းတွေအဆင်ပြေချောမွေ့ဖြောင့်ဖြူးပြီး ရာသီဥတုလည်း ကြည်လင်သာယာနေခဲ့တယ်...။