Sunday, September 2, 2012

ကျေးဇူးပြု၍


လွမ်းဆွတ်တတ်သူမို့
အဝေးသို့ စွန့်ခွာလို့သွားတော့မယ်ဆိုရင်လည်း
ကျေးဇူးပြုပြီး
သတိတရ နှုတ်ဆက်စကားတွေ
ချန်မထားခဲ့ပါနဲ့..
မင်းပြန်လာမယ့်အချိန်ကိုသာ
မျှော်လင့်ချက်ရှိရှိ စောင့်စားပါရစေ...
တမ်းတတတ်သူမို့
အမှတ်တရတွေ ချန်ထားခဲ့မယ်ဆိုရင်လည်း
ကြည်ကြည်နူးနူး အိပ်မက်တွေထက်
ဒီရင်ခွင်မှာ..
ဒဏ်ရာတွေ သက်သက်သာသာဖြစ်စေဖို့
ကျေးဇူးပြုပြီးတော့
ငဲ့ညှာပါလို့ တောင်းဆိုပါရစေ...
သတိရတတ်သူမို့
နွေညနေခင်းလို့ လှပပြီး
ဆောင်းနံနက်ခင်းလို အေးချမ်းတဲ့
မင်းရဲ့ မျက်ဝန်းတွေကို မြင်ယောင်နေချင်လို့
ကျေးဇူးပြုပြီး
မင်းရဲ့အပြုံးတွေ နောက်ဆုံးတစ်ခေါက်မြင်ပါရစေ...
ချစ်ခဲ့မိသူမို့
အရှုံးတွေသာ ထွေးပိုက်ရင်း
အဓိပ္ပာယ်မဲ့ မနက်ဖြန်တိုင်းမှာ
ကိုးကွယ်ရာရှိစေဖို့
ကျေးဇူးပြုပြီးတော့
ချစ်တယ်ဆိုတဲ့ စကားလေးတစ်ခွန်းကိုတော့
သိမ်သိမ်မွေ့မွေ့ ကြားခဲ့ပါရစေ.....။

Thursday, March 29, 2012

မင်းရှိရာ

တိတ်ဆိတ်ငြိမ်သက်နေတဲ့
သစ်ပင်တန်းတစ်လျှောက်
ရွက်ကြွေတောမွမွမှာ
မင်းကို..သတိရရင်း
ကိုယ်..ခပ်ဖွဖွလေးလျှောက်နေမိတယ်...

တိမ်စိုင်တိမ်လိပ်တွေ
ကြယ်တာရာ သော်တာလ၀န်းတွေနဲ့
ပိုးစုန်းကြူးလေးတွေ အမြဲလိုလိုပါတတ်တဲ့
ပုံပြင်ဟောင်းလေးတွေကိုလည်း
မင်းကို..တမ်းတရင်း
တိုးတိတ်စွာ ပြန်လည်တူးဆွနေမိပြန်တယ်...

ဝေးကွာမှုတွေနဲ့
အိုမင်းကြာမြင့်စေတဲ့ အချိန်တွေကိုသာ
တဖက်သတ်
ခါးခါးသီးသီး မုန်းမိနေခဲ့ပေါ့....

အလွမ်းတွေထိန်းမရတဲ့အဆုံး
ပစ္စုပ္ပန်လှိုင်းလုံးတွေကြား
မင်းရှိရာ မျှော်တွေးမှန်းဆလို့သာ...
ခပ်ဆွေးဆွေး လှော်ခတ်နေမိတော့တယ်...။

Thursday, March 15, 2012

နှလုံးသား တစ်ခုရဲ့ ပန်းချီ

စာရွက်ပေါ်အကြမ်းရေးထားတာပဲ တင်လိုက်တော့မယ်.... စာပြန်မရိုက်တော့ဘူး...
Right-click > Open in new tab လုပ်ပြီး ကြည့်ကြပါ..

  

Friday, February 17, 2012

ခရေအတွေး

နေညိုချိန် ခင်တန်းမှာ
ခရေအကြွေတွေကို အတူတူကောက်..

နွမ်းကြေနေပေမယ့်
စိတ်အစဉ်ကို လန်းဆန်းစေသေးတဲ့
ပန်းခရေ...
မြတ်မြတ်နိုးနိုး သီကုံးလို့
အသာယာလေး မွှေးကြူပါရစေ...

လေပြည်ညှင်းမှာတော့
ရနံ့တွေထုံသင်းလို့
ခရေတွေကြောင့်လား ချစ်သူကြောင့်လား....