Saturday, December 31, 2011

လွင့်ပြယ်သွားသော အချိန်ကာလများ

    
         ခပ်ဆွေးဆွေးသီချင်းသံတို့က ရေဒီယိုစပီကာမှ ယိုစီးကျလာသည်.....။ မီးလင်းဖိုနဘေးမှာ အိပ်ပျော်နေသော ဘော်ဘီထံမှ ဟောက်သံတိုးတိုးလေးထွက်နေသည်.... ကြည့်မိတော့ မျက်နှာကိုတောင်မမြင်ရ ချစ်စရာအမွေးပွလုံးလေးအဖြစ်နဲ့သာတွေ့ရသည်...။ မီးဖိုထဲကထင်းချောင်းတွေကတော့ တဖျစ်တောက်တောက်နှင့်... ဒီလိုချစ်စရာအချိန်မှာ ဘာကိုများ မကျေမနပ်ဖြစ်နေကြသလဲ.....။ တချက်မှာ အေးစိမ့်သွားတော့အသိကြောင့် ပြတင်းပေါက်တံခါး မပိတ်ရသေးမှန်းသတိရမိသည်....လေတွေက စိမ်းကားစွာအေးစက်လှချည်လား...။ မှန်ချပ်တွေကတစ်ဆင့် ခပ်ဖြာဖြာကျရောက်နေသော လရောင်သည် ချမ်းစိမ့်ခြင်းကိုပိုပြီးထူခဲစေသယောင်... ။ ပြတင်းပေါက်အပြင်ဘက်တွင် အိမ်ခြေငယ်ငယ်လေးတွေ နှင်းတွေအောက်မှာ အိပ်မောကျလို့နေသည်..... မီးလုံးဝါ၀ါလေးတွေ လင်းနေတဲ့အိမ်တိုင်းရဲ့ ခေါင်းတိုင်တွေမှာတော့ မီးခိုးတွေတလူလူနှင့်...။

         အချိန်စောသေးတာပဲလေ....သူမလမ်းလျှောက်ထွက်ချင်သလား မေးကြည့်ဦးမှလေ....။ အပြင်ဘက်မှာနှင်းတွေတော့ကျမနေ.....ကောင်းကင်သည်အေးမြကြည်လင်လို့သာနေသည်....။ ဆောင်းညတွေကို ချစ်မြတ်နိုးသော သူမ ဘယ်လိုလုပ်ငြင်းလိမ့်မှာလဲ....။ နှစ်ယောက်သား အနွေးထည်ထူထူဝတ်၊ ဦးထုပ် ၊ လည်စီးပုဝါ နှင့် လက်အိတ်တွေပါမကျန်သေချာဝတ်အပြီးမှာ အပြင်ထွက်ခဲ့ကြသည်...။ လင်းဖြာနေတဲ့ လရောင်အောက်မှာ မြင်မြင်သမျှသည် ဆွတ်ဆွတ်ဖြူလို့ လှချင်တိုင်းလှနေသည်.... သူမနှုတ်ခမ်းဖျားမှာ အပြုံးလေးတစ်ပွင့် တွဲခိုနေတာကိုပင် သူသတိပြုမိသေးသည်...။

"ဆောင်းရာသီညတွေဟာ သိပ်လှတာပဲနော် ကို.."

"အင်း...."

"ကြယ်တွေရယ် ဟိုးအဝေးကတောင်တွေရယ်... အဲဒီအောက်ဘက်က တောအုပ်ကလေးရယ်...အားလုံးသိပ်ချစ်စရာကောင်းတာဘဲ..."

"အင်း..."

         ဆောင်းညရဲ့ဖမ်းစားမှုအောက်မှာ သူကိုယ်တိုင်လည်းစကားလုံးတွေဆွံ့အနေပြီလေ...။ မြို့ငယ်လေးရဲ့ မီးတိုင်တွေအောက်က လမ်းမတွေမှာတော့ လူသူကင်းရှင်းလို့...။ မြို့လယ်ခေါင်မှာ တစ်ပင်တည်းအထီးကျန်နေတဲ့ ခရစ်စမတ်သစ်ပင်ကြီးကို နောက်ဆုံးတစ်ခါ သွားနှုတ်ဆက်ကြတယ်...။ နာရီစင်ကိုမော့ကြည့်တော့ နာရီလက်တံနှစ်ခု နံပါတ် ၉ မှာတစ်ထပ်တည်းကျလို့.... သူတို့လက်တွေလည်း မြဲမြဲဆုပ်ကိုင်ထားကြတယ်...။ 

         နှစ်တစ်နှစ်မှာ နွေရယ် မိုးရယ် ဆောင်းရယ် ရာသီတွေအပြောင်းအလဲမြန်လွန်းလှသည်....။ ရေကန်စပ်လှေကလေးတွေ အနားက ပူနွေးနွေး နွေရာသီညနေခင်းတွေကို လွမ်းဆွတ်တမ်းတကြသလို.... နှစ်ယောက်သား ထီးကလေးဆောင်းကာ လျှောက်ခဲ့ကြတဲ့ မိုးရာသီလမ်းမတွေကိုလည်း သတိရရကြသည်..။ သတိမထားလိုက်မီကုန်လွန်သွားသော ပြက္ခဒိန်စာမျက်နှာများကို ရေတွက်ရင်း... အံသြတမ်းတမိသည်.....။ တစ်နှစ်စာ အမောတွေပြေစေဖို့အတွက်သာ ဆောင်းဟာ မြင်မြင်သမျှပတ်ဝန်းကျင်မှာ အစွမ်းကုန်လှပပေးနေတော့သည်လေ...။ နှစ်သစ်ဟာ စိတ်လှုပ်ရှားမှုတွေနဲ့ ကြိုနေမှာလား... စိန်ခေါ်မှုတွေနဲ့ စောင့်နေမှာလားဆိုတာ မရေရာ.... သို့သော် နှစ်တစ်နှစ်နဲ့နောက်ဆုံးအချိန်မှာ လွမ်းမောစရာကောင်းနေတာတော့ အသေအချာ...။


"လာလေ ကို... ချောင်းကလေးပေါ်လမ်းလျှောက်ရအောင်.."

"အင်း... ဖြည်းဖြည်းသွား ချောမယ်.."

         ဒီဇင်ဘာရဲ့ အအေးဓာတ်ကြောင့် မြို့ကိုဖြတ်စီးသော ချောင်းကလေးပင်ရေတွေခဲနေသည်...။ ရေခဲပေါ်နင်းလိုက်တိုင်း ချောမှာစိုးသောကြောင့် သတိထားလျှောက်နေရသည်....။ ချောင်းကိုဖြတ်မိုးထားသော တံတားလေးသည်..နှင်းတွေအောက်မှာ ငြိမ်ကုပ်လို့... ချစ်စရာပင်ကောင်းနေတော့သည်...။ လမ်းလျှောက်နေစဉ်မှာပင် ...နှင်းပွင့်များ တစတစကြွေကျလာတော့သည်...။

      "သတိထား.." ဟု ပြောလို့မဆုံးမီ သူမခြေချော်သွားသည်...။ အချိန်မီစွာပင် သူမကိုယ်လေးကိုလှမ်းပွေ့လိုက်နိင်လို့ တော်သေးတယ်...။  သူမမျက်နှာပင် ထိတ်လန့်ခြင်းတစ်မှုန်မျှမရှိ ပြုံးလို့သာနေသည်...။

"ကိုက မြန်သားပဲ.."

"ဒါပေါ့..."

         သူတို့နှစ်ယောက် တစ်ယောက်ကိုတစ်ယောက် ပြုံးကြည့်ရင်း ခပ်အုပ်အုပ်ရယ်ကြသည်...။ ရယ်သံတို့အဆုံး.....လရောင်ဖြာဆင်းနေတဲ့ ချောင်းမျက်နှာပြင်ပေါ် အရိပ်တို့ပူးကပ်သွားကြသည်....။ ချောင်းအနီးအိမ်တစ်အိမ်မှ ခပ်တိုးတိုးရေဒီယိုသီချင်းသံတစ်ခု နှင်းဖတ်တို့နဲ့အတူ ပျံ့လွင့်နေဆဲ...။


MusicPlaylist
Music Playlist at MixPod.com


(I do not own any rights for the music and picture used in the post)

Saturday, November 19, 2011

မြန်မာပြည်ခရီး - ၁၀ (ဟိုပုံး ထမ်ဆမ့်ဂူ)

အခု ခရီးစဉ်အမှတ်(၁၀)ရေးမလို့လုပ်တုန်း ဘယ်မှာဆုံးထားသလဲလို့ အမှတ်(၉)ကိုပြန်ကြည့်တော့ ဟိုးစက်တင်ဘာလကတည်းကပါလား...။ ခဏလေးလို့ထင်ထားပေမယ့် ၂လတောင်ရှိသွားပြီး..အချိန်တွေများမြန်ချက်ဗျာ..တစ်လဆိုခဏလေးဘဲ..။ ယူတားခရီးတုန်းကလို ဘကျောက်နမိတ်ဖတ်ခဲ့သလိုများဖြစ်နေသလားမသိဘူး...လဆက်ကိုဖြစ်နေတော့တယ်..။ သွားခဲ့တာတွေပြန်စဉ်းစားကြည့်ပြီး အခုချိန်တောင်ကောက်ကာငင်ကာ ပြန်သွားလိုက်ချင်တယ်..ဒီအချိန်ခရီးသွားလို့ကောင်းတဲ့အချိန်လေ..။


အင်းလေးကနေအပြန်ကျတော့မောပြီး ညဘက်အိပ်လို့အတော်ကောင်းသွားတယ်..။ နောက်တစ်နေ့မနက်ပိုင်း အိမ်မှာ သံဃာငါးပါးဆွမ်းကပ်ပြီးတော့ နေ့လည်ပိုင်းအချိန်ရနေတာနဲ့ ထမ်ဆမ့်ဂူဘက်သွားဖို့ပြင်ကြတယ်... ကြုံတုန်းတော့တစ်ခါလောက်ရောက်ဖူးအောင်သွားချင်တယ်လေ..။ နေ့လည်တစ်နာရီခွဲလောက်အိမ်ကထွက်ဖြစ်တယ်... အဲဒီအချိန်တော့ ကောင်းကင်ကမိုးသားနည်းနည်းရှိတာကလွဲလို့ ကြည်လင်နေတယ်..။ မင်းလမ်းတစ်လျှောက်ဖြတ်လာပြီးမှ ဂေါက်ကွင်းနားကနေဟိုပုံးဘက်ဆက်ထွက်ခဲ့ကြတယ်..။ တောင်ကြီးနဲ့ဟိုပုံးက ၁၀ မိုင်လောက်တော့ ဝေးမယ်ထင်တယ်...ငယ်ငယ်လေးကတည်းက အခုချိန်ထိဟိုပုံးမှမရောက်ဖူးသေးဘူး...ဂေါက်ကွင်းကျော်လို့တစ်ခါမှမသွားဖူးသေးဘူး...။





 

ဟိုပုံးဘက်အသွား တောင်အဆင်းလမ်းကသာယာတယ်...ဟိုးအောက်မှာတောင်ကုန်းလေးတွေ အိမ်ခြေတွေနဲ့ ...အဝေးမှာတော့ ထုနဲ့ထည်နဲ့တောင်တန်းကြီးတွေ... ခပ်ရိပ်ရိပ်မိုးသားအောင်မှာ လွမ်းစရာမှိုင်းညို့လို့နေတယ်...။ ဟိုပုံးမြို့အသေးလေးတစ်ခုဘဲ....အဲဒီကနေထမ်ဆမ့်ဂူကို ၁၀ မိုင်ကျော်ကျော်ဆက်သွားရသေးတယ်...။ လမ်းတစ်လျှောက် စိမ်းစိုနေတဲ့ သစ်ပင်တွေနဲ့ မြေနီနီစိုက်ခင်းလေးတွေက စိတ်ကိုအေးချမ်းစေတယ်..။ လမ်းကြမ်းတယ်လို့ လူတွေပြောကပေမယ့်...ကျွန်တော်တို့သွားတုန်းကတော့ လမ်းကောင်းပါတယ်... ကိုက်၅၀၀ လောက်လမ်းနည်းနည်းကြမ်းပေမယ့် ကျန်တာကဖြောင့်ဖြောင့်ဖြူးဖြူးပါဘဲ...။

သွားရင်းနဲ့ ဟိုပုံးကိုရင်လေးကျောင်းဘက်သွားတဲ့လမ်းခွဲလေးတွေ့တယ်...ခပ်လှမ်းလှမ်းမှာကိုရင်လေးကျောင်းရှိတဲ့တောင်ကုန်းကိုမြင်နေရတယ်...။ အတွင်းလည်းတော်တော်ဝင်ရအုန်းမှာရယ်..အချိန်မရတာရယ်ကြောင့် အ၀င်ဖြစ်တော့ဘူး..။ ဖတ်ချင်ရင်တော့ မစူးနွယ်လေး ဘလော့မှာသွားဖတ်လို့ရတယ်..ပုံတွေလည်းလှတယ်..။ အဲဒီကနေဆက်သွားပြီးတော့မှ တောင်အတက်ပြန်စပြန်ရော...သိပ်တော့မသွားရတော့ဘူး...ခဏလောက်မောင်းပြီးမှာ ထမ်ဆမ့်ဂူကိုရောက်ပါတယ်...။ တောင်အတက်လမ်းတွေကမတ်တယ်...ကုန်တင်ကားကြီးတွေတော့ဖြည်းဖြည်းမောင်းသွားနေကြတာပါ...။ ပါလာတဲ့တောင်ကြီးကကြီးတော်ကတော့ပြောတယ်...အဲဒီကစလို့တောင်အတက်တောင်အဆင်းတွေချည်းဘဲတဲ့...သူကတောင်ကြီးနဲ့ လင်းခေးအသွားအပြန်လုပ်နေကျလေ...။ အမေဖက်ကအဘွားတို့က လင်းခေးဇာတိတွေလေ..အဖေဘက်ကညောင်ရွှေ တောင်ကြီးပေါ့..။


 
 


ဂူပေါက်ဆီသွားဖို့အတွက် လမ်းမကနေကုန်းလျှောလမ်းအတိုင်းဆင်းသွားရတယ်..ကားလည်းဆင်းလို့ရအောင်ကားလမ်းလုပ်ပေးထားပါတယ်..။ ဂူကအဆင်းလမ်းအဆုံးမှာပါ...အ၀င်ကမှာ သိပ်လှတဲ့ကျောက်ဆက်ပန်းဆွဲတွေတွေ့ရတယ်...။ ဒါမျိုးအရင်က တီဗီထဲမှာဘဲတွေ့ဖူးတာ....ပင်းတယနဲ့လည်းမတူးဘူး...။ ဂူအတွင်းမှာတော့ ကျောက်ဆက်ပန်းဆွဲတွေလက်ညှိုးထိုးမလွဲအောင် တွေ့ရတယ်.....ဂူကဘေးတိုက်လည်းကျယ်တယ်..မျက်နှာကျက်လည်းမြင့်တယ်...။ အပေါ်ဘက်မှာရေတံခွန်တို့ မရှိလို့ထင်တယ်..ကျောက်ဆက်တွေကနေ ရေသိပ်မကျဘူး...။ ဂူအတွင်းမှာတော့ တစ်ချို့နေရာတွေ ရေစီးနေတယ်... တစ်ခြားရောက်ဖူးတဲ့ဂူတွေမှာလိုပဲ အေးစိမ့်မှုတော့အသေအချာခံစားရတယ်...။ 


  

 
 
ပင်းတယလိုမျိုးဘုရားဆင်းတု ရုပ်ပွားတော်တွေသိပ်များသေးဘူး...တစ်ချို့တွေထုဆစ်လို့ပြီးသေးတာတွေလည်း ရှိတယ်..။ လက်နက်ကိုင်တပ်သား တစ်ယောက်စနှစ်ယောက်စတော့ ဟိုတစ်ထောင့်ဒီတစ်ထောင့်မှာတွေ့ရတယ်...။ ဂူအတွင်းပိုင်းကတော်တော်လေးကျယ်တယ်....။ အလယ်ပိုင်းမှာတော့ မြတ်စွာဘုရား ဓမ္မံစကြာတရားဦးဟောနေပုံ ဆင်းတုတွေရှိတယ်..။ တစ်ချို့နေရာမှာ ကျောက်ဆက်ပန်းဆွဲတွေကျနေတာ...ဂူကြမ်းပြင်ကိုတောင်ထိနေတယ်....။ လမ်းအဆုံးမှာ ရေထွက်နဲ့ရေတံခွန်အနိမ့်စားလေး ရှိတယ်...ရေစီးတော့တော်တော်လေးကြမ်းတယ်...ဆက်သွားလို့မရတော့လို့သာ လမ်းဆုံးတယ်ပြောရတာ...ရေထွက်နေတဲ့အနောက်ဘက်မှာတော့ ဂူကမဆုံးသေးဘူး...။ တကယ်တော့ အခုလိုလူတွေသွားလို့ရနေတဲ့နေရာတွေက ဂူရဲ့သုံးပုံတစ်ပုံဘဲရှိသေးတယ်လို့သိရတယ်...ဟုတ်တယ် တစ်ချို့နေရာလို့ လမ်းလုပ်လို့မပြီးသေးတာတွေတွေ့ခဲ့တယ်...။

 

 
 လမ်းအဆုံး

ဂူအပြင်ဘက်မှာ ဂူအတွင်းကရေတွေနဲ့စီးနေတဲ့ချောင်းကလေးရှိတယ်...အထွက်မှာ မိုးဖွဲလေးတွေကျလာလို့ သိပ်ပြီးအချိန်မရဘူး...ထမင်းကျွေးတဲ့ဘက်လည်းမသွားဖြစ်ဘူး..စားခဲ့ပြီးပြီမို့...။ ဟိုပုံးရေထွက်ရောက်တော့ အဲဒီကကြက်ကြော်ကောင်းတယ်ဆိုလာနဲ့ အိမ်ကလူတွေစားရအောင် ၀ယ်ပြန်ခဲ့တယ်....။  ဟိုပုံးမြို့ထဲက မွေတော်ဘုရားလည်း ၀င်ဖူးခဲ့ပါတယ်...။ 

 ဟိုပုံးမြို့



အပြန်မှာတော့ မိုးတွေသည်းသည်းမည်းမည်းရွာချလာပြီ...အချိန်လည်းမစောတော့ဘူး..။ မိုးသည်းသည်းမှာ တောင်ခိုးတွေနဲ့မြူတွေဆိုင်းနေတဲ့ တောင်တန်းတွေကတော့ ကျွန်တော်ဘယ်တော့မှမေ့မှာမဟုတ်ဘူး...။ တောင်ကြီးအ၀င် လမ်းပေါ်မှာတော့မြူတွေသိပ်သိပ်သည်းသည်းကျလာပြီ...။ ကျွန်တော်ချစ်တဲ့.......တောင်ပေါ်မြေရဲ့ညနေခင်းကတော့ .......လွမ်းမောဖွယ်ရာအေးချမ်းလို့နေခဲ့တယ်..။

Saturday, October 29, 2011

ရွက်ကြွေ




ဆောင်းဦးရာသီမျိုးမှာ
ရော်ရွက်ဝါတွေကြွေကျတတ်ပေမယ့်..
ဒဏ်ရာဟောင်းတွေသာ
ဆောင်းရဲ့အေးမြခြင်းနဲ့အတူ..
ဆထပ်တိုး သိပ်သည်းလာခဲ့တယ်....။

လေအဝေ့မှာ
သစ်ရွက်တို့ လွင့်ပျံသလို..
စိတ်အစဉ်ဟာ
အတိတ်ဟောင်းမှာသာ ဝေ့၀ဲကျန်ရစ်တယ်...။

ခမ်းနားမှုတွေရဲ့ နောက်ကွယ်မှာ
နာကျင်ရမှုတွေနဲ့ ပေးဆပ်ရသလို...
ချစ်ခြင်းများရဲ့ ဒဏ္ဍာရီမှာလည်း
စွန့်လွှတ်ရမှုတွေလည်း ဒုနဲ့ဒေးပါပဲ...

အချစ်စစ်ကို
အခါလွန်မှ ရှာဖွေတွေ့ရှိခဲ့ပြီးနောက် ..........
.............. ..................
.............. ..................

ကြယ်တာရာတွေစုံတဲ့
ကတ္တီပါကောင်းကင်ပြင်ကို
တိတ်တခိုးမော့ကြည့်လို့
နှလုံးသားငယ်ခမျာ...နွမ်းလျစွာ
ခပ်ယဲ့ယဲ့သာ ပြုံးရှာလေတော့တယ်.....။



(မလေး ရဲ့ကြယ်တွေအကြောင်းကနေ ခံစားပြီးရေးဖြစ်တာပါ)

Thursday, October 20, 2011

အချစ်တွေအတွက် အသင့်ပါ

အချစ်တွေအတွက် အသင့်ဖြစ်ပါပြီဆိုမှ
ဒီလိုပဲ ပုန်းရှောင်လို့နေအုန်းမှာလားကွယ်
သင့်ရဲ့..ချုပ်နှောင်မှုတွေမှာ အကျဉ်းခံဖို့အတွက်
ကိုယ်ပိုင်..လွတ်လပ်မှုတွေ လက်ငင်းဆောင်ယူသွားပါလေ....

ပေးဆပ်ဖို့လည်း အသင့်ပါ...
ပျော်ရွှင်မှု နဲ့ ကြေကွဲမှုတွေ
အချိန်တွေ ဘယ်လောက်စောင့်ရပါစေ..
သင့်ရဲ့ နှစ်လိုမှုတွေမှုတွေမှာသာ ခိုနားခွင့်ပေးပါ..

အဆင်မသင့်မှုတွေကိုသာ ရံဖန်ရံခါ..စိုးထိတ်လို့
ရင့်ကျက်မှုတွေပြည့်စုံအောင်သာ..
အသင်ကိုယ်တိုင်...ညွှန်ကြားပြသပါလော့...
လိုတာရကြပါစေဆိုပေမယ့်..
တူညီတဲ့တောင်းဆိုမှုတွေဟာ..
မနက်ဖြန်ရဲ့ နံရံများမှာ
ပဲ့တင်သံ ရိုက်ခတ်လို့သာ ရှိနေတော့မယ်...

အချိန်မရွေး အသင့်ပါ..
သင့်ရဲ့ခေါ်သံတွေ ကြားနိုင်အောင်သာ..
နားတစ်စုံလောက်တော့ ငှားရမ်းပေးသနားပါ..
ညည်းညူမှုကင်းစွာ ၀န်ခံကတိပြုမှာမို့
ကျွန်ုပ်စောင့်နေမယ်ဆိုတာသာ
သင်လက်ခံကြားသိနိုင်ပါစေ...

အခွင့်သာ နည်းနည်းရမယ်ဆိုရင်..
ကျွန်ုပ်ရဲ့ စိတ်ရှည်တတ်မှု၊ ကြင်နာတတ်မှု
သစ္စာရှိမှု နဲ့ ဖြောင့်မှန်မှုတွေကို...
အနုပညာနဲ့ ဂီတပါမကျန်
သက်ဝင်ကိန်းအောင်းမှုရှိတဲ့ အရာရာတိုင်းကို
နှလုံးသားအရင်းခံလို့
မြတ်နိုးတန်ဖိုးထားတတ်သူ အသင့်အား...
ဖွင့်ဟသက်သေပြခွင့်ပြုပါလေ...

အချစ်တွေအတွက် အသင့်ပါ..
လက်ခံမယ်ဆိုရင်တော့..
သင့်ရဲ့ လက်ထပ်သင်ကြားမှုတွေအောက်မှာ
ကျွန်ုပ်ကြိုးစားမှုတွေ အကောင်းဆုံးဖြစ်ရပါစေမယ်...

ကျွန်ုပ်ရဲ့
အမြင်..
အသံ..
အတွေးနဲ့..
စိတ်နှလုံး..
အားလုံးကို ပေးအပ်လို့
အသင့်ဖြစ်ပါပြီ ......အသင်......

နေ့ရက်တွေကိုသာ စောင့်စားလို့
အချစ်တွေအတွက် အသင့်ဖြစ်ပါပြီ သခင်....

အသင့်ပါ....သခင်..



(Idia Arie ရဲ့ Ready for Love သီချင်းကိုကြိုက်လွန်းတာမို့ နားလည်သလိုဘာသာပြန်မိတာပါ..။ India ကတော့ဘုရားသခင်ကိုရည်စူးတာလို့ဆိုတယ်... ကျွန်တော်ကတော့ ကိုယ့်ခံစားချက်နဲ့ကိုယ် ခံစားနားဆင်ပါတယ်..ကန့်သတ်ချက်တွေကင်းတဲ့ အနုပညာမဟုတ်ပါလား)

Friday, September 23, 2011

မြန်မာပြည်ခရီး - ၉ (အင်းလေး)

      
                 နောက်တစ်နေ့မနက်ရောက်တော့ ညောင်ရွှေဆင်းပြီးအင်းလေး ဖောင်တော်ဦးဘုရားသွားဖို့အစီအစဉ်ဆွဲတယ်..။ မသွားခင်ရှမ်းခေါက်ဆွဲစားချင်တာနဲ့ ဒေါ်နန်းပန်ဆိုင်မှာသွားစားကြတယ်....ဒေါ်ထွမ်းဆိုင်ကရှိနေရာပြောင်းသွားလား...မဖွင့်တော့ဘူးလားမသိဘူး...အရင်နေရာမှာတော့မရှိတော့ဘူး..။ ရှမ်းခေါက်ဆွဲမစားရတာကြာလို့ သိပ်စားကောင်းတယ်..အရည်နဲ့စားတယ်..ဘဲသွေးမကြိုက်လို့မထည့်ဘူး..။ ရန်ကုန်ကရှမ်းခေါက်ဆွဲနဲ့ လားလားမှမဆိုင်...၄၆ လမ်းထိပ်က နန်းထိုက်ကလွဲလို့ တစ်ခြားဆိုင်မစားဖြစ်ဘူး...။ တိုဖူးကြော်လည်း ကောင်းမှကောင်းဘဲ...အပြင်ကကြွပ်ပြီး အထဲကတိုဖူးရည်လိုမျိုးပျော်နေတာ...။ ရှမ်းခေါက်ဆွဲနောက်တစ်ပွဲစားချင်ပေမယ့် ဗိုက်မဆံ့တော့ဘူး... အမေမကုန်လို့ကျန်တာပဲကုန်အောင်စားပေးလိုက်တယ်..။







  
ပြီးတော့ နောက်တစ်နေ့အိမ်မှာ သံဃာတော် ၅ ငါးဆွမ်းကပ်မှာကြောင့် အမေနဲ့ဈေးဝယ်လိုက်ကူပေးတယ်..။ ဟင်းသီးဟင်းရွက်တွေ သိပ်လတ်ဆတ်တယ်....မုန်လာဥ၊ ရွှေပဲသီး၊ ကြက်သွန်မြိတ်၊ နံနံပင်၊ ရှမ်းနံနံ စုံလို့ဘဲ...တစ်ခြားအရွက်တွေ နာမည်တော့မသိဘူး ။ ပြီးတော့ စ၀်စံထွန်းဈေးနားက ဓမ္မသုခကျောင်းမှာ အလှူအတွက်သွားလျှောက်တယ်...အဲဒီအချိန်ထိနေသာနေတုန်း...မြောက်ဘက်မှာတိမ်တွေလည်းသိပ်လှတယ်...။ ပြီးတော့မှ အိမ်တစ်ခေါက်ပြန် ပစ္စည်းတွေထားပြီး ညောင်ရွှေဆင်းခဲ့တယ်..။ အဆင်းကျတော့ မိုးသားတွေတက်လာတယ်...မတတ်နိုင်ဘူးရောက်အောင်သွားရမှာဘဲလေ...ဖောင်တော်ဦးဘုရားမဖူးဖြစ်တာ ၂၀၀၁ ကတည်းကဆိုတော့ တော်တော်လေးကြာသွားပြီး...နောက်ဘယ်တော့မှ ပြန်ရောက်ဖြစ်မလဲဆိုတာလည်း မသေချာဘူးလေဗျာ..။ ညောင်ရွှေကို အေးသာယာစက်မှုဇုန်ဘက်ကမသွားဘဲ...ရွှေညောင်ကနေတစ်ဆင့် လမ်းဟောင်းအတိုင်းသွားတယ်...။ ငယ်ငယ်ကညောင်ရွှေလိုက်သွားရင်သိပ်ပျင်းတယ်... လမ်းမှာကိုပျင်စရာကောင်းနေတာ.. ။ တကယ်တော့ ရွှေညောင်ကနေ ညောင်ရွှေကို ဘယ်လောက်မှမကြာဘူး မိနစ် ၂၀ လောက်ဘဲမောင်းရတာ..လမ်းကတော့ တစ်ခြမ်းကောင်း ကျန်တစ်ခြမ်းမကောင်းပေါ့..။ အခုတစ်ခါတော့ လမ်းတစ်လျှောက်ရှုခင်းတွေ သိပ်လှနေတယ်လို့ထင်တယ်....မရောက်တာ တော်တော်လေးကြာလို့လည်းဖြစ်မယ်ထင်ပါတယ်...။ စိမ်းညို့ညို့တောင်တန်းတွေကို ချစ်လို့ ပုံတွေအများကြီးရိုက်ဖြစ်တယ်...။
 
 ရွှေညောင်ဈေးနေ့









 ညောင်ရွှေမြို့အ၀င်

ညောင်ရွှေရောက်တော့ အမျိုးတွေသွားနှုတ်ဆက် ပြီးတော့ သူတို့ပဲစက်လှေလိုက်ငှားပေးပါတယ်.. သူတို့တွေကစကားအပြောအဆို ရိုးတယ်... ယောင်လည်းယောင်တတ်တယ်..ရီလည်းရီရတယ်..။ စင်ယော် ဇင်ယော် စင်ရော် ဇင်ရော် (ဘယ်တစ်ခုအမှန်လဲမသိဘူး နောက်ဆုံးတစ်ခုမဟုတ်တာတော့ သေချာတယ်) အစာအတင်းလိုက်ရောင်းလို့ဝယ်လိုက်တယ်..ပြီးတော့မှ ငါတော်တော်အတာပဲလို့ ဒီအချိန်ဘယ်က ဇင်ယော်ရှိမှာလဲ ...ဆောင်းတွင်းမှရှိမှာပေါ့..။ တကယ်တော့ အဲဒါ ကရားစူးကြော်ပါ ပဲနဲ့လုပ်တယ်ထင်တယ် ... ငယ်ငယ်ကတော့ အစားပစ်ကျွေးရင် ဇင်ယော်တစ်ခု ကိုယ်တစ်ခုပဲ ....။ စက်လှေစီးတော့ မိုးတွေအုံ့နေပြီ ရွာတော့မရွာဘူး.... လေအေးအေးတွေ မျက်နှာကိုလာတိုးနေတာတော့ သဘောကျတယ်...။ တောင်တွေဆီမှာလည်းမိုးတွေညို့လို...လွမ်းစရာကောင်းနေတယ်...။ အင်းလေးမှာရွာတဲ့မိုးဆိုတဲ့ သီချင်းလေးခပ်တိုးတိုးညည်းဖြစ်တယ်.... ။ အင်းထဲကရေတွေ နောက်နေတယ်.. ..တစ်ချို့နေရာတွေတော့ကြည်တယ်..။။ အဓိကကတော့ ဘုရာဖူးဖို့ဘဲ.. တစ်ခြားဘယ်မှာ ဆက်သွားဖို့အစီအစဉ်မရှိဘူး....။ ဘုရားရောက်တော့ လူရှင်းနေတယ်...ခါတိုင်းလို့ လူမများဘူး ...အဲဒါပဲကောင်းတယ်...။ ဆုတွေတစ်သီကြီးမတောင်းတော့ဘူး... "ဘ၀မှာ ဖြောင့်မတ်မှန်ကန်တဲ့လမ်းကိုဘဲ လျှောက်လှမ်းရပါလိုဧ။်" လို့ဘဲဆုတောင်းဖြစ်တယ်...အဲဒီဆုတောင်းကို သိပ်သဘောကျနေတယ်..။ ပြီးတော့ ဘုရားအောက်ဘက်ကဈေးဆိုင်နည်းနည်းပါးပါးဝင်ကြည့်ဖြစ်တယ်...လက်ဆောင်ပေးဖို့..။ ဒီကသူငယ်ချင်းတစ်ယောက်က မင်းတို့မြန်မာပြည်က ထအမှတ်တရပစ္စည်းတစ်ခုခုဝယ်ခဲ့ပေးဆိုလို့...လှေနဲ့တံငါသည်ပုံသစ်သားနဲ့ လုပ်ထားတာလေးဝယ်ဖြစ်တယ်..။







  



 
 တစ်ခြားဘယ်မှမသွားတော့ဘူး...အချိန်လည်းသိပ်မရဘူးဆိုတော့ ညောင်ရွှေကိုဘဲတန်းပြန်တယ်...။ နေ့လည်စာဆိုတော့ ဟူပင်မှာစားတယ်...ထမင်းကြော်၊ထမင်းပေါင်း နဲ့ ခေါက်ဆွဲပြုတ်ကြော် ..။ ဟူပင်ဟော်တယ်မှာ မင်္ဂလာဆောင်တစ်ခုလုပ်နေတယ်...။ နောက်တော့ ပြင်သာကျောင်းက ဘကြီးဘုန်းကြီးကို...သွားကန်တော့တယ်...ကုန်စုံဆိုင်ဖွင့်ထားတဲ့ ကြီးတော်ရဲ့မောင်ပေါ့.. ။ အဲဒီမှာ ကျောက်ဖြူပြီးရုပ်ပွားတော်ရှိတယ်...နေပူခံဘုရားလို့လည်းခေါ်ကြတယ်...ကျောင်းဆောင်ဆောက် အမိုးမိုးလို့မရဘူးတဲ့... မဟုတ်ရင်မိုးကြိုးပစ်တယ်ဆိုဘဲ.. နဂါးကမိုးထားပြီးသားမို့ အမိုးမိုးဖို့မလိုဘူးလို့ပြောကြတယ်..။ ဘုရားသမိုင်းကြောင်းတော့ သေချာမသိဘူး... စာဖတ်သူတွေထဲကသိသူရှိရင်လည်း အများဗဟုသုတရဖို့ ပြောပြသွားလို့ရတယ်..။ အဲဒီကနေ အရှေ့ဘက်ကိုကြည့်ရင် တောင်တန်းတွေသိပ်လှတယ်... စပါးခင်းတွေကလည်းစိမ်းစိုပြီး ရေတွေကလည်း ကြည်လို့ အောက်ခြေကိုတောင်မြင်နေရတယ်..။ အချိန်မရလို့ ညောင်ရွှေကအမျိုးတွေအိမ်အကုန် မလည်လိုက်ရဘူး.... နောက်ဘယ်မှပြန်ရောက်ဖြစ်မလဲမသိဘူး...။







 

အပြန်တောင်ကြီးအတက်မှာ အများပြောပြောနေတဲ့ အေးသာယာဝိုင်ခြံဝင်ကြည့်ဖြစ်တယ်... ၀ိုင်အကြောင်းလည်းနားမလည် သောက်လည်းမသောက်တတ်တော့ ရှုခင်းတွေဘဲကြည့်ခဲ့တယ်...။ လုပ်ထားတဲ့သူရဲ့ အတွေးနဲ့ နေရာရွေးတာလေးသဘောကျတယ်...။ တောင်ကုန်းတစ်လျှောက် စီတန်းနေတဲ့ စပျစ်ပင်တွေနဲ့ နောက်ခံတောင်တန်းတွေ တကယ်လိုက်ဖက်တယ်..။ တစ်ချိန်ချိန်ကျ အဲလို ခြံလေးနဲ့ ပျော်ပျော်ရွှင်ရွှင်အေးအေးချမ်းချမ်း နေချင်တယ်...။