အမှတ်တရမွေးနေ့

အခုတလောခဏခဏပြောဖြစ်တဲ့စကားက "အချိန်တွေကုန်တာသိပ်မြန်တယ်" ဆိုတဲ့စကားပဲ..။ ဟုတ်တယ်..အချိန်တွေကုန်တာသိပ်မြန်တယ်..။ အချိန်ကုန်တာနဲ့အမျှအသက်လည်းကြီးလာတယ်.. ထိပ်စီးတစ်ခုကိုကျော်ပြီးလို့ ဒီနေ့မှာ နောက်တစ်နှစ်ပြည့်ပြန်ပြီ..။ ဒီကနေ့ဟာ ကျွန်တော့်မွေးနေ့ပေါ့..။

အရင်နှစ်တွေတုန်းကမွေးနေ့ရောက်တိုင်းထူးထူးခြားခြားမခံစားမိပေမယ့်..အသက်ကြီးလာတာနဲ့အမျှတော့ မိဘကျေးဇူးဘယ်လောက်ကြီးမားတယ်ဆိုတာခံစားမိလာတာပဲ..။ မွေးနေ့ရယ်မဟုတ်ပါဘူး... အမေနဲ့အဖေ့အကြောင်းတွေတွေးလိုက်မိတိုင်း..ကျေးဇူးတရားတွေဆပ်လို့မကုန်နိုင်ဘူးဆိုတာ ရင်ထဲလှိုက်လှိုက်လှဲလှဲခံစားမိတာပါဘဲ..။ အခုနေ ချစ်ခြင်းမေတ္တာတွေကိုပြန်အောက်မေ့တော့..ကျွန်တော့်ရင်ထဲမှာနွေးထွေးလို့ မျက်ရည်တောင်ဝဲမိတယ်..။

မှတ်မိသလောက်ပြောပြရင်... (၆)နှစ်ပြည့်မွေးနေ့မှာအမျိုးတွေကိုဖိတ်ပြီး အမေကဟမ်ဘာဂါလုပ်ကျွေးတယ်..။ ပေါင်မုန့်ကြားထဲ ခရမ်းချဉ်သီးဆော့စ်ပဲထည့်ပြီးစားဖူးတာမှတ်မိနေသလိုဘဲ..။ အဲဒီအရွယ်တုန်းက အစားအသောက်ဂျီးများတာတော့သေချာတယ်.. အသားလည်းမစားအရွက်လည်းမစား..။ (သတိ ရွံတတ်သူများစာတစ်ကြောင်းကျော်ဖတ်ရန်) နောက်တနှစ်ကျ ရှမ်းခေါက်ဆွဲလုပ်ကျွေးတော့ အ၀အပြဲစားပြီးညဘက်အိပ်ယာထဲမှာ အကုန်ပြန်အန်ထွက်တာကိုလည်း ရှမ်းခေါက်ဆွဲစားတိုင်းသတိရမိတယ်..။ ကိတ်မုန့်ကိုလည်း ဖယောင်းတိုင်းအခါခါမှုတ်လို့ ခရင်မ်တွေချည်းပဲလည်း ကလော်စားဖူးတယ်..။ ပြီးတော့ တစ်ခုသောမွေးနေ့တုန်းက...ဘယ်ကရလာမှန်းမသိတဲ့... ခမောက်ဆောင်းထားတဲ့ပုတ်သင်ညိုအင်္ကျီကို(အဲဒီပုတ်သင်ညို ခမောက်ဆောင်းလားတော့မသေချာဘူး..ဆောင်းတယ်လို့ထင်တာဘဲ) လက်ဆောင်လာပေးတဲ့ ကြီးတော်တစ်ယောက်ကိုလည်း စိတ်ဆိုးဘူးတယ်...။ အမှတ်အရဆုံးကတော့ ဆယ်တန်းဖြေပြီးတဲ့နှစ် ကန်တော်လေးဘိုးဘွားရိပ်သာမှာ သွားလှူဖြစ်တာကိုဘဲ..။ တစ်ဆောင်ပြီး နောက်တစ်ဆောင်လိုက်ကြည့်တော့ အဘိုးအဘွားတွေက ဆုတောင်းပေးကြတယ်....သူတို့ရဲ့ဆုတောင်းသံတွေကြားမှာတင် လူကကြက်သီးတွေထပြီး မျက်ရည်တွေဝဲလို့..။ အဘိုးအဘွားတွေကိုသိပ်သနားတတ်ပါတယ်... အဲဒီလိုပေးလှူရတာကိုဘဲ ပြီးပြည့်စုံတယ်လို့ခံစားမိတော့တယ်..။

နောက်မွေးနေ့တွေလည်း ကြုံချင်လည်းကြုံရမယ်..ဘယ်အရာမှမသေချာဘူး..။ မွေးနေ့တွေကို မှတ်တမ်းတစ်ခုအဖြစ်နဲ့သာ အမှတ်တရကျန်ရစ်စေချင်တယ်...။ ဒီနှစ်မွေးနေ့မှာတော့ မပြည့်လဲတောင်းချင်တဲ့ဆုတောင်းတော့ရှိတယ်..။ ဘ၀မှာပျော်ရွှင်အေးချမ်းဖို့...။ အခုချိန်မှာတော့ ဒါဟာအရေးအကြီးဆုံးလို့သာထင်မိတော့တယ်...။

အတိတ်ကမြို့

မေ့လောက်ပြီဆိုသည့်အချိန်ရောက်ကာမှ ခပ်ရေးရေးအရိပ်ထင်လာသည့်အတိတ်တွေသည် ကျွန်တော့်အားတိတ်တဆိတ် ပြုစားလို့နေသည်..။ မခံစားနိုင်တော့သည့်အဆုံး...အလွမ်းတွေထွေးပိုက်ထားသည့်ကျွန်တော့်အသည်းနှလုံး ခပ်တိုးတိုးလေးစတင်ငိုကြွေးပါတော့သည်...။

ညနေခင်းတိမ်ရောင်တောက်တောက်တွေအောက်က ကျွန်တော့်မြို့ကလေးသည်နွေဦးပန်းပွင့်လေးတွေနှင့်အတူ ချစ်စဖွယ်ဖြစ်နေတတ်သည်..။ ကုန်းတက်ကုန်းဆင်းလမ်းတွေမှာ အခုလိုအချိန်မှာတော့ စိန်ပန်းပြာတို့ ဒဏ္ဍာရီဆန်ဆန် ကြွေကျနေဦးမှာပါ..။ တောင်တွေကာရံထားတဲ့မြို့လို့ ထပ်ပြီးမတင်စားချင်တော့ပါ.... မြူတွေဆိုင်းနေတဲ့တောင်တန်းတွေ မြင်တိုင်း သတိရမှုတွေပြိုကျတာ ခဏခဏရယ်ပါ..။

အချိန်တွေဟာလှည့်စားတတ်သာလား ကျွန်တော်မပြောတတ်ပါ... ဒါပေမယ့် တစ်နှစ်ဆိုတဲ့အချိန်မှာ နေ့ရက်တွေဟာသိပ်ရှည်ကြာလွန်းတာပါ...။ မြို့အတက် တောင်ခါးပန်းမှာတော့ စွယ်တော်ဖြူဖြူတွေက နူးညံ့စွာပြုံးပြလို့နေဆဲ....  စွယ်တော်တွေလောက်တော့ ကျွန်တော့်ဘ၀ မဖြူစင်နိုင်တာတော့ ကိုယ်တိုင်သာအသိဆုံးဖြစ်မယ်...။ မြို့အစွန် တောင်ကမ်းပါးယံကနေ လှမ်းမျှော်ကြည့်လိုက်ရင် တောင်အောက်ကလွင်ပြင်ကျယ်ကြီးကိုသာမက ဟိုးအဝေးကတောင်တွေကိုပါ မှုန်ပျပျမြင်ရတာပါ...။ သူငယ်ချင်းတစ်စု  အဝေးကမြင်ရတဲ့တောင်တွေရဲ့အရောင်တွေကို ငြင်းခုံခဲ့ဖူးပေမယ့် ...... အခုချိန်မှာ ငါတို့နှလုံးသားမှာအရောင်တွေစုံနေပြီဆိုတာကို ငြင်းခုံဖို့ခွန်အားရှိပါ့ဦးမလား...။

မိုးတွေသည်းသည်းမည်းမည်းရွာသွန်းပြီဆိုရင်တော့...တောင်ခိုးတွေနဲ့အတူ တစ်မြို့လုံးသိပ်သည်းအေးခဲသွားမြဲပါ...။ မိုးစက်တွေထဲပြေးလွှားဆော့ကစားချင်ခဲ့ပေမယ့်လဲ...အေးလွန်းလှတဲ့မိုးရေတွေကြောင့်...အိမ်ရဲ့တံစက်မြိတ်အောက်ကငေးမောရတာကိုဘဲ ကျွန်တော်ကျင့်သားရလို့နေပါပြီ..။ မိုးအေးအေးမှာ မီးဖိုနံဘေးခပ်တိုးတိုးဝင်ထိုင်လို့ မိသားစုဝိုင်းဖွဲ့စကားပြောခဲ့ကြတာတွေလည်း မမေ့နိုင်တဲ့အတိတ်တွေပါ...။

မြို့ကလေးရဲ့ နွေရာသီတွေကိုအစဉ်တစိုက်ချစ်တတ်ခဲ့ပေမယ့်...တစ်ခုသောနွေမှာ ကျွန်တော့်ကိုငိုကြွေးစေမယ့်လို့တော့ ဘယ်အခါကမှမထင်ထားမိခဲ့တာ အမှန်ပါ..။ အရင်အချိန်တွေကနွေးထွေးခဲ့ပေမယ့်...ဒီနှစ်မှာနွေဟာ ဆေးရုံရဲ့ဆေးနံ့တွေအောက်မှာ အေးခဲနေခဲ့ပြီ...။ အကောင်းဆုံးတွေကို မျှော်လင့်ထားပေမယ့် အဆိုးဆုံးတွေကို ရင်ဆိုင်နိုင်ဖို့တော့ကျွန်တော့်မှာ ခံနိုင်ရည်မလောက်ငခဲ့ဘူး....။ ဒီလိုနဲ့ နွေရာသီဟာတိတ်ဆိတ်ငြိမ်သက်စွာ ကုန်ဆုံးသွားခဲ့တယ်...။

ကျွန်တော့်ရဲ့ ပျော်ရွှင်မှု၊၀မ်းနည်းမှု၊၀မ်းသာမှု၊လွမ်းဆွတ်မှုတို့သည်...မြို့ကလေးရဲ့ရင်ခွင်မှာပင် ကိန်းအောင်းပျော်ဝင်ကျန်ရစ်ခဲ့ကြသည်..။ မြို့ကလေးကိုပြန်ရောက်တိုင်းလည်း ၀မ်းနည်းမှု၊ စာနာမှု၊ ကရုဏာသက်မှုတွေ ကျွန်တော့်မှာ အိတ်နှင့်အပြည့်.. မြို့ကလေးကတော့ စွဲလန်းနှစ်သက်ဖွယ်ကောင်းဆဲ...။ ဆောင်းအေးအေးမှာ ချယ်ရီပန်းတွေဝေသလို...နွေမှာတော့ စိန်ပန်းပြာတို့ကြွေနေဆဲ..။

ငါးနှစ်ဆိုသောအချိန်တွေသည် ကျွန်တော့်အားအတိုင်းအတာတစ်ခုအထိ ခံနိုင်ရည်ရှိစေလိမ့်မည်ဟုယုံကြည်မိပါသည်...။
အခုတော့ မြို့ကလေးသို့ပြန်ရောက်ဖို့သာ ကျွန်တော်စိတ်စောလို့နေမိပါတော့သည်...။

(၅ ရက်နေ့ကအဖေဆုံးတာ ၈နှစ်ပြည့်ပါပြီ.. အဖေ့ဇာတိတောင်ကြီးမြို့နဲ့ အဖေ့ကိုသတိရတမ်းတလွမ်းဆွတ်စွာနဲ့ဒီစာလေးကိုရေးပါတယ်..)